Live Updates

مشکل حالات ہوں تو اندازہ ہوتا ہے کہ فوج کتنی ضروری ہے،انور مقصود

جنگ شروع کرنا بہت آسان ،ختم کرنا بہت مشکل ہے، تو دعا کریں کہ سلسلہ آگے نہ بڑھے،مصنف انورمقصود

ہفتہ 10 مئی 2025 12:02

مشکل حالات ہوں تو اندازہ ہوتا ہے کہ فوج کتنی ضروری ہے،انور مقصود

لاہور(اُردو پوائنٹ اخبارتازہ ترین - این این آئی۔ 10 مئی2025ء)پاکستان شوبز انڈسٹری کے مشہور مصنف انور مقصود نے کہاہے کہ مشکل حالات ہوں تو اندازہ ہوتا ہے کہ فوج کتنی ضروری ہے، 25کروڑ پاکستانی سپاہی بن گئے ہیں۔انور مقصود نے پاک بھارت کشیدگی کے بارے میں بات کرتے ہوئے کہاکہ میرے پاس ہتھیار نہیں، میرا ہتھیار میرا قلم ہے تو جو کچھ بھی مجھ سے ہو سکتا ہے میں اس ملک کیلئے کروں گا۔

(جاری ہے)

انہوں نے کہاکہ میں اپنے پرچم کی عزت بالکل اسی طرح کرتا ہوں جیسے کوئی ہندوستانی اپنے پرچم کی عزت کرتا ہے۔انور مقصود نے کہا کہ مجھے بھارت کے 5جہاز گرنے کی اتنی خوشی نہیں ہے جتنا دکھ معصوم پاکستانیوں کے جانی نقصان کا ہے۔انہوں نے کہاکہ جنگ شروع کرنا بہت آسان ہے ایک چھوٹے سے واقعے سے ہی جنگ شروع کی جا سکتی ہے لیکن اسے ختم کرنا بہت مشکل ہے، تو دعا کریں کہ سلسلہ آگے نہ بڑھے۔