ملتان ، 3 خواتین کو قتل کرنے والے ملزم لاہورسے گرفتار،آلہ قتل برآمد

ملزم نے جائیداد کے تنازع پر 3خواتین کو قتل کیا تھا،ملزم تہرے قتل کی واردات کے بعد لاہور روپوش ہوگیا تھا: آر پی او

بدھ 21 جون 2023 23:13

ملتان ، 3 خواتین کو قتل کرنے والے ملزم لاہورسے گرفتار،آلہ قتل برآمد

ملتان ،لاہور(اُردو پوائنٹ اخبارتازہ ترین - آن لائن۔ 21 جون2023ء) ملتان میں 3 خواتین کو قتل کرنے والے ملزم کو گرفتار کرکے آلہ قتل برآمد کرلیا گیا، ملزم نے جائیداد کے تنازع پر 3خواتین کو قتل کیا تھا۔تفصیلات کے مطابق پولیس نے گزشتہ روز ملتان میں تین خواتین کو قتل کرنے والے ملزم زاہد کو لاہور سے گرفتار کرلیا، آر پی او ملتان سہیل چوہدری نے بتایا کہ ملزم زاہد نے جائیداد کے تنازع پر 3خواتین کو قتل کیا تھا۔

(جاری ہے)

سہیل چوہدری کا کہنا تھا کہ ملزم تہرے قتل کی واردات کے بعد لاہور روپوش ہوگیا تھا تاہم ملزم سے آلہ قتل برآمد کرکے تفتیش شروع کر دی ہے۔گذشتہ روز ملتان میں ایک گھر سے تین خواتین کی تشدد زدہ لاشیں برآمد ہوئیں تھیں، تینوں خواتین کو فائرنگ کرکے قتل کیا گیا تھا۔خواتین کی لاشوں کو پوسٹ مارٹم کے لیے نشتر اسپتال منتقل کیا گیا، مقتولین کی شناخت شمشاد انور، نسرین اختر اور سمعیہ اختر کے ناموں سے ہوئی تھی۔پولیس کا کہنا تھا کہ خواتین کی عمریں 25 سے 52 سال کے درمیان ہیں جبکہ جاوید نامی شہری کا گھر باہر سے بند تھا۔