پاکستان مسلم لیگ ن نے سرگودھا ڈویژن کے لئے قومی اور صوبائی اسمبلیوں کے امیدواروں کا اعلان کر دیا

جمعرات 11 جنوری 2024 13:53

اسلام آباد (اُردو پوائنٹ اخبارتازہ ترین - اے پی پی۔ 11 جنوری2024ء) پاکستان مسلم لیگ (ن) نے سرگودھا ڈویژن کے لئے قومی اور صوبائی اسمبلیوں کے لئے اپنے امیدواروں کا اعلان کر دیا ہے ۔

(جاری ہے)

جمعرات کو مرکزی الیکشن سیل کے چیئرمین محمد اسحاق ڈار کی جانب سے نوٹیفکیشن کے مطابق قومی اسمبلی کی نشستوں این اے 82 پر ڈاکٹر مختار ، این اے 83 پر محسن شاہ نواز رانجھا ، این اے 84پر ڈاکٹر لیاقت علی خان ، این اے 85 پر ڈاکٹر ذوالفقار علی بھٹی ، این اے 86 پر سید جاوید حسین اور این اے 87 پر ملک شاکر شبیر اعوان امیدوار ہوں گے۔

صوبائی اسمبلی کی نشست پی پی 71 پر شعیب احمد ملک ، پی پی 72 پر منصور اعظم سندھو ، پی پی 73پر میاں منظر حسین رانجھا ، پی پی 75 پر عبدالرزاق ڈھلوں ، پی پی 76 پر مہر غلام دستگیر لک، پی پی 78پر رانا منور حسین ، پی پی 79 پر تیمور علی خان بلوچ ، پی پی 80پر سردار محمد عاصم ، ضلع خوشاب میں پی پی 82 پر ملک محمد آصف بھا اعوان ، پی پی 83 پر محمد معظم شیر اور پی پی 84 پر کرم الٰہی بندیال امیدوار ہوں گے ۔