چارسدہ ، این اے 25 اور این اے 24 پر عوامی نیشنل پارٹی اور قومی وطن پارٹی میں سیٹ ایڈجسٹمنٹ

اتوار 4 فروری 2024 20:50

پشاور (اُردو پوائنٹ اخبارتازہ ترین - اے پی پی۔ 04 فروری2024ء) عوامی نیشنل پارٹی اور قومی وطن پارٹی نے چارسدہ میں این اے 25 اور این اے 24 پر سیٹ ایڈجسٹمنٹ کا اعلان کردیا۔

(جاری ہے)

سیٹ ایڈجسٹمنٹ کا باقاعدہ اعلان عوامی نیشنل پارٹی کے صوبائی صدر ایمل ولی خان اور قومی وطن پارٹی کے چیئرمین آفتاب احمد خان شیرپاؤ نے چارسدہ پریس کلب میں مشترکہ پریس کانفرنس کے دوران کیا۔ سیٹ ایڈجسٹمنٹ کے مطابق این اے 25 پر قومی وطن پارٹی کے امیدوار قیصر جمال عوامی نیشنل پارٹی کے صوبائی صدر (امیدوار این اے 25) ایمل ولی خان جبکہ این اے 24 پر عوامی نیشنل پارٹی کے امیدوار عرفان عالم خان قومی وطن پارٹی کے چیئرمین (امیدوار این اے 24) آفتاب احمد خان شیرپاؤ کے حق میں دستبردار ہوگئے۔