اے این ایف کا منشیات اسمگلروں کے خلاف کارروائیوں کا سلسلہ جاری

جمعہ 23 فروری 2024 20:07

راولپنڈی، اسلام آباد(اُردو پوائنٹ اخبارتازہ ترین - آن لائن۔ 23 فروری2024ء) اے این ایف کا منشیات اسمگلروں کے خلاف کارروائیوں کا سلسلہ جاری۔ مختلف کارروائیوں کے دوران 11 ملزمان کو گرفتار کر لیا گیا۔

(جاری ہے)

ترجمان اے این ایف کے مطابق کارگو آفس اسلام آباد میں برطانیہ بھیجے جانے والے پارسل سے 10.5 کلو ہیروئن برآمد ہوئی ہے ، لاہور کوریئر آفس میں سری لنکا بھیجے جانے والے پارسل سے 2 کلو آئس برآمد کی گئی ہے ، اسلام آباد ایئرپورٹ پر قطر جانے والے مسافر سے 68 آئس بھرے کیپسولز برآمد کیے گئے ہیں ، پشاور ایئرپورٹ پر دوحہ جانے والے مسافر سی1 کلو ، ایم ون موٹر وے اسلام آباد پر دو ملزمان سے 29 کلو، لکپاس ٹول پلازہ مستنگ کے قریب 22 کلو ، شیر شاہ ٹول پلازہ ملتان کے قریب دو ملزمان سے 7 کلو چرس اور محلہ عثمانیہ گلگت کے قریب 3 ملزمان سے 1 کلو چرس برآمد کی گئی ہے، لاہور ایئرپورٹ پر نائجیریا سے بھیجے گئے پارسل سے 330 گرام کوکین بھی برآمد کی گئی ہے ، ترجمان اے این ایف کا کہنا ہے کہ گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔