پاکستانی برآمدات میں 8 ماہ کے دوران ایک ارب 69 کروڑ ڈالر سے زائد اضافہ

جولائی سے فروری برآمدات کا حجم 20 ارب 36 کروڑ ڈالر رہا،وفاقی ادارہ شماریات

اتوار 17 مارچ 2024 17:25

کراچی(اُردو پوائنٹ اخبارتازہ ترین - این این آئی۔ 17 مارچ2024ء) پاکستانی برآمدات میں 8 ماہ کے دوران ایک ارب 69 کروڑ ڈالر سے زائد اضافہ ریکارڈ کیا گیا جولائی سے فروری برآمدات کا حجم 20 ارب 26 کروڑ ڈالر رہا۔ادارہ شماریات پاکستانی برآمدات میں 8 ماہ کے دوران 1 ارب 69 کروڑ ڈالر سے زائد اضافہ ہوا ہے۔ خوراک کی برآمدات 54 فیصد اضافے سے چار ارب 96 کروڑ ڈالر تک پہنچ گئیں۔

(جاری ہے)

رپورٹ کے مطابق اس عرصے کے دوران صرف فروری 2024 میں فوڈ ایکسپورٹ 35 فیصد اضافے سے 70 کروڑ ڈالر رہی، پاکستانی باسمتی چاول، گوشت، پھل، سبزی، تمباکو، مصالحوں کی مانگ میں اضافہ ہوا۔خام کپاس، گندم، کینوس شوز، پنکھوں، ٹرانسپورٹ سامان کی برآمدات میں اضافہ دیکھا گیا، جیولری، چینی، سیمنٹ، ٹائر، ٹیوبز اور گڑ سے بنی مصنوعات کی برآمدات بڑھ گئی۔سرکاری اعداد وشمار کے مطابق جولائی سے فروری انجینرنگ گڈز، الیکٹریل سامان کی ایکسپورٹ میں بھی اضافہ ریکارڈ کیا گیا، پاکستانی ٹیکسٹائل برآمدات 0.65 فیصد کمی سے 11 ارب ڈالر ریکارڈ کی گئیں۔ گزشتہ مالی سال اسی مدت میں ٹیکسٹائل برآمدات کا حجم 11 ارب 21 کروڑ ڈالررہا تھا۔