بھارت،معدے کے بغیر زندگی گزارنے والی فوڈ بلاگر انتقال کر گئیں

مداحوں اور چاہنے والوں کا انتقال پر نتاشاڈی ڈی کی ہمت و حوصلے کو خراجِ تحسین

جمعرات 28 مارچ 2024 15:10

نئی دہلی(اُردو پوائنٹ اخبارتازہ ترین - این این آئی۔ 28 مارچ2024ء) معدے کے بغیر زندگی گزارنے والی بھارتی فوڈ بلاگر نتاشا ڈِڈی 50 سال کی عمر میں انتقال کر گئیں۔غیرملکی خبررساں ادارے کے مطابق فوڈ بلاگر نتاشا ڈِڈی کے انتقال کی خبر ان کے شوہر نے سوشل میڈیا پر شیئر کی۔

(جاری ہے)

انہوں نے اپنی پوسٹ میں لکھا کہ میں انتہائی دکھ اور افسوس کے ساتھ اپنی اہلیہ نتاشا ڈِڈی کے انتقال کا اعلان کرنے پر مجبور ہوں۔فوڈ بلاگر نتاشا ڈِڈی نے 12 سال تک معدے کے بغیر زندگی گزاری تھی، انہوں نے اپنے کوکنگ چینل گٹلیس فوڈی کے ذریعے لاکھوں لوگوں کو کھانا پکانے پر ٹپس دیں۔نتاشا ڈِڈی کے مداحوں اور چاہنے والوں نے ان کے انتقال پر ان کی ہمت و حوصلے کو خراجِ تحسین پیش کیا اور فوڈ بلاگر کے اہلِ خانہ سے تعزیت کی۔