-لوٹ مار کر کے گھروں کو جلانے کے کیس میں ملزم آفاق عرف پھاکو کی درخواست ضمانت منظور

جمعرات 28 مارچ 2024 20:55

لاہور (اُردو پوائنٹ اخبارتازہ ترین - آن لائن۔ 28 مارچ2024ء) لاہور ہائیکورٹ کی جسٹس عالیہ نیلم نے لوٹ مار کر کے گھروں کو جلانے کے کیس میں ملزم آفاق عرف پھاکو کی درخواست ضمانت منظور کر لی۔

(جاری ہے)

ملزم کے وکیل نے موقف اپنایا کہ گھر جانا یا چوری تحقیقات سے ثابت نہیں ہوئیں، ضمانت منظور کی جائے، پولیس کی جانب سے ملزمان کی پشت پناہی پر عدالت نے اظہار برہمی کیا، عدالت نے ریمارکس دیئے کہ پہلے قتل کروا کر پھر جھوٹے مقدمات درج کروائے جاتے ہیں، درخواست میں موقف اپنایا گیا کہ ملزم نے اپنے ساتھیوں سمیت لوٹ مار کی اور گھروں کو جلا دیا، مدعی نے قتل کے مقدمہ میں راضی نامہ کے لیے ملزم پر مقدمہ درج کروایا، مقدمہ میں ملزم کے گھر کی خواتین سمیت 25 افراد کو نامزد کیا گیا۔