وزیراعلیٰ سندھ کی حب حادثہ میں جا ں بحق ہونے وا لے افرادکی نماز جنازہ میں شرکت

جمعہ 12 اپریل 2024 10:50

کراچی (اُردو پوائنٹ اخبارتازہ ترین - اے پی پی۔ 12 اپریل2024ء) وزیراعلیٰ سندھ سید مراد علی شاہ نے حب حادثہ میں جا ں بحق ہونے والوں کی نماز جنازہ میں شرکت کی، جاں بحق ہونے والے15 افراد کی نماز جنازہ قاسم جوکھیو گوٹھ ٹھٹہ میں ادا کی گئی جبکہ ایک کی ترکش کالونی اور ایک کی بھروسر کالونی میں ادا کی جائے گی ، وزیر اعلیٰ نے جاں بحق افراد کے ورثا اور بچوں سے ملاقات بھی کی ، اس موقع پر بات چیت کرتے سید مراد علی شاہ نے کہا کہ ہم غمزدہ خاندانوں کے دکھ میں برابر کے شریک ہیں، سندھ حکومت جاں بحق افراد کے ورثاء اور زخمیوں کا خیال رکھے گی۔

(جاری ہے)

جمعرات کوحب دریجی کے مقام پر ٹریفک حادثہ میں 17 افراد جاں بحق جبکہ 35 سے زائد افراد زخمی ہوگئے تھے ، یہ حادثہ اس وقت پیش آیا جب زائرین کاٹرک تیز رفتاری کے باعث بےقابو ہوکر کھائی جا گرا جس کے نتیجہ میں 17 افراد جاں بحق جبکہ 35 سے زائد افراد زخمی ہوگئے ۔