لانڈھی خودکش حملہ آوروں سے کیا اسلحہ ملا بم ڈسپوزل اسکواڈ کی رپورٹ آ گئی

ہلاک دہشت گرد سے بیگ برآمد ہوا ہے، جس سے 4 دستی بم، رائفل، گرینیڈ، 3 میگزین ملے ہیں

جمعہ 19 اپریل 2024 18:38

لانڈھی خودکش حملہ آوروں سے کیا اسلحہ ملا بم ڈسپوزل اسکواڈ کی رپورٹ ..

کراچی (اُردو پوائنٹ اخبارتازہ ترین - این این آئی۔ 19 اپریل2024ء) کراچی کے علاقے لانڈھی میں ہوئے خود کش دھماکے کے حوالے سے بم ڈسپوزل اسکواڈ کی رپورٹ سامنے آ گئی۔بم ڈسپوزل اسکواڈ کی رپورٹ کے مطابق دھماکے کی جگہ سے حملہ آور کے جسم کے مختلف اعضا ملے ہیں، دوسرا حملہ آور موقع پر ہلاک ہو گیا۔

(جاری ہے)

رپورٹ میں کہا گیا ہے کہ ہلاک دہشت گرد سے بیگ برآمد ہوا ہے، جس سے 4 دستی بم، رائفل، گرینیڈ، 3 میگزین ملے ہیں۔

بم ڈسپوزل اسکواڈ کی رپورٹ میں بتایا گیا ہے کہ دہشت گرد کے بیگ سے پانی کی بوتل اور پیٹرول کی بوتل بھی ملی ہے۔رپورٹ میں بتایا گیا ہے کہ ہلاک دہشت گرد کی جیب اور ہاتھ سے بھی 2 دستی بم ملے ہیں۔بم ڈسپوزل اسکواڈ کی رپورٹ کے مطابق دھماکے کی جگہ سے تمام شواہد اکٹھے کر لیے گئے ہیں۔رپورٹ میں یہ بھی بتایا گیا ہے کہ برآمد کیا گیا باردودی مواد اور اسلحہ جدید نوعیت کا ہے۔