معیاری موسیقی سے مزین پروگرام الحمراء میلوڈیز نوجوان آرٹسٹوں نے مدھر بھرے سنگیت پیش کئے

ٓایگزیکٹوڈائریکٹر الحمراء طارق علی بسرا نے الحمراء میلوڈیز میں پرفارم کرنے والوں کو داد دی

جمعہ 19 اپریل 2024 22:34

لاہور (اُردو پوائنٹ اخبارتازہ ترین - آن لائن۔ 19 اپریل2024ء) معیاری موسیقی سے مزین پروگرام الحمراء میلوڈیز نوجوان آرٹسٹوں نے مدھر بھرے سنگیت پیش کئے۔

(جاری ہے)

ایگزیکٹوڈائریکٹر الحمراء طارق علی بسرا نے الحمراء میلوڈیز میں پرفارم کرنے والوں کو داد دیتے ہوئے کہا کہ نوجوانوں کے چہروں پر اُمید دیکھ کر خوشی ہوتی ہے،الحمراء فن کی دُنیا میں نام پیدا کرنے کے لئے پلیٹ فارم فراہم کررہا ہے،آرٹسٹوں کو یہاں پرفارم کرکے اعتماد ملتا ہے جو انکے سنہری مستقبل کا ضامن ہے۔

نوجوان آرٹسٹوں میں احمد طور ، شہباز علی ،عمران جعفری ، نمرہ سردار ،عمران سائیں و دیگر نے پرفارم کیا۔الحمراء میلوڈیز میں سننے والوں کو بڑی تعداد موجود تھی جنہوں نے پرفارم کرنے والوں کو داد دی اور انکے حوصلے بڑھائے ۔ لاہور آرٹس کونسل کے اس سلسلے الحمراء میلوڈ یز میں کوئی بھی آرٹسٹ رجسٹریشن کروا کر پرفارم کرسکتا ہے، یہ نوجوانوں کا پلیٹ فارم ہے یہاں انکے ٹیلنٹ کو نکھار ملتا ہے ۔