پولیس افسران لوگوں کے لئے آسانیاں پیدا کریں،آئی جی اسلام آباد پولیس سید علی ناصر رضوی

منگل 23 اپریل 2024 13:11

اسلام آباد (اُردو پوائنٹ اخبارتازہ ترین - اے پی پی۔ 23 اپریل2024ء) انسپکٹر جنرل آف اسلام آباد پولیس سید علی ناصر رضوی نے پولیس فورس کے لئے وائرلیس پر پیغام جاری کرتے ہوئے کہا ہے کہ پولیس افسران لوگوں کے لئے آسانیاں پیدا کریں۔

(جاری ہے)

منگل کو پولیس ترجمان نے بتایا آئی جی اسلام آباد پولیس نے وائرلیس پر پیغام دیا ہے کہ تمام پولیس ملازمین شہریوں کے لئیے آسانیاں پیدا کرے اور سب مل کر اس شہر کو امن کا گہوارہ بنائیں گے۔

انہوں نے کہا کہ ہم سب مل کر سڑکوں پر جاگیں گے تاکہ عوام سکون کی نیند سوئے۔آئی جی اسلام آباد نے کہا کہ اسلام آباد پولیس شیروں کی اور پروفیشنل پولیس فورس ہےآپ نے ہمیشہ لاء اینڈ آرڈر اور ہر قسم کی مشکلات کا پیشہ وارانہ طریقے سے مقابلہ کیا۔سید علی ناصر رضوی نے کہا کہ آپ سے توقع ہے کہ آپ سو فیصد الرٹ ہوکر ڈیوٹی کریں گے۔