ارشد ندیم جنوبی افریقا میں سخت ٹریننگ کے مرحلے میں داخل

جمعہ 26 اپریل 2024 22:13

جوہانسبرگ (اُردو پوائنٹ اخبارتازہ ترین - آن لائن۔ 26 اپریل2024ء) اولمپیئن ارشد ندیم جنوبی افریقا میں سخت ٹریننگ کے مرحلے میں داخل ہوگئے۔ارشد ندیم نے پہلے جِم ٹریننگ کی اور پھر تھرو کرنا شروع کیا اور اب وہ بھرپور انداز سے ہر طرح کی ٹریننگ کر رہے ہیں۔

(جاری ہے)

ارشد ندیم نے کہا کہ میں کوچ ٹرسیوس لیبنبرگ کی نگرانی میں ٹریننگ کررہا ہوں اور نئے طریقے اور ٹیکنیکس سیکھ رہا ہوں۔انہوںنے کہاکہ ٹریننگ سے میری صلاحیت اور اسکلز پر مثبت اثر پڑے گا، جنوبی افریقا میں بڑی محنت کر رہا ہوں تاکہ اپنا ٹارگٹ حاصل کر سکوں۔ارشد ندیم نے کہا کہ میرا ہدف پیرس اولمپکس میں اچھا پرفارم کرنا اور پاکستان کے لیے اعزاز لانا ہے، امید ہے کہ میں اپنے مقصد میں کامیاب ہوں گا۔