فری شپ قانون پرعمل نہ کرنے پررجسٹریشن منسوخ کردی جائے گی، محکمہ تعلیم سندھ

جمعہ 26 اپریل 2024 21:15

کراچی(اُردو پوائنٹ اخبارتازہ ترین - این این آئی۔ 26 اپریل2024ء) شہر قائد میں نجی اسکولوں کے حوالے سے اہم خبر آگئی ، محکمہ تعلیم نے خبردار کیاہے کہ فری شپ قانون پرعمل نہ کرنے پررجسٹریشن منسوخ کردیں گے۔تفصیلات کے مطابق کراچی میں دس فیصد فری شپ قانون پر عمل درآمد نہ کرنے والے اسکولوں کیخلاف وزیر تعلیم سندھ کی ہدایت پر ڈائیریکٹوریٹ نے کارروائی کی۔

(جاری ہے)

ایڈیشنل ڈائریکٹر رفیعہ ملاح نے بتایا کہ 54 نجی اسکولوں کی رجسٹریشن کا عمل روک دیا گیا، سندھ بھرکے 1154 اسکولز کے دورے کیے جاچکے ہیں۔رفیعہ ملاح نے خبردار کیا دس فیصد فری شپ قانون پر من و عن عمل کریں بصورت دیگر رجسٹریشن منسوخ کر دی جائے گی۔انھوں نے بتایا کہ نجی اسکولز کے خلاف قواعد کی خلاف ورزی پر ایکشن شروع ہوگیا، اسکولز کو قواعد پر عمل کرنا ہو گا۔