ٹی ٹونٹی ورلڈ کپ سے قبل رضوان، اعظم خان، حارث رئوف کی انجری کی اپ ڈیٹ سامنے آگئی

لاہور (اردو پوائنٹ تازہ ترین اخبار ۔ 30 اپریل 2024ء ) آئرلینڈ اور انگلینڈ کے آئندہ دوروں کے لیے پاکستانی اسکواڈ کو حتمی شکل دیے جانے کے قریب ہے، چار زخمی کھلاڑیوں حارث رؤف، اعظم خان، محمد رضوان اور عرفان خان نیازی کی فٹنس کے بارے میں اپ ڈیٹس باقی ہیں۔ مقامی میڈیا کی رپورٹ کے مطابق رضوان، اعظم خان اور عرفان نیازی مکمل فٹنس حاصل کرنے کے قریب ہیں جب کہ حارث رؤف جنہوں نے فروری سے کسی بھی مسابقتی میچ میں شرکت نہیں کی وہ ابھی تک اپنی فٹنس بحال کرنے کے لیے لاہور میں بحالی کے مراحل سے گزر رہے ہیں۔

(جاری ہے)

سلیکٹرز ان دوروں کے دوران کھلاڑیوں کی کارکردگی کا جائزہ لینے کا ارادہ رکھتے ہیں تاکہ آئی سی سی کی 25 مئی کی آخری تاریخ کو بروئے کار لاتے ہوئے جون میں ہونے والے T20 ورلڈ کپ کے لیے اسکواڈ کا تعین کیا جا سکے۔ رپورٹ میں مزید کہا گیا ہے کہ آئرلینڈ سیریز کے لیے ٹیم کا اعلان کھلاڑیوں کی فٹنس کی صورتحال واضح ہونے کے بعد کیا جائے گا۔ قومی ٹیم کے آئرلینڈ کے سفر سے قبل ایک مختصر تربیتی کیمپ 3 مئی کو لاہور میں شروع ہونے والا ہے۔