شاہین نے 18 سال کی عمر میں لاہور قلندرز کو چیمپئن بنایا وہ پیدائشی کپتان ہیں: عاطف رانا

لاہور(اُردو پوائنٹ اخبارتازہ ترین - این این آئی۔ 14 مئی2024ء) سی ای او لاہور قلندر عاطف رانانے کہا ہے کہ شاہین آفریدی نے 18 سال کی عمر میں لاہور قلندرز کو چیمپئن بنایا وہ پیدائشی کپتان ہیں۔ایک انٹرویو میں عاطف رانا نے کہا کہ ورلڈکپ میں صرف بابراعظم اور شاہین آفریدی نہیں سب کا کردار اہم ہوگا، پاکستان نے بھارت کو ہرایا تو اس میں شاہین آفریدی اور حارث رف کا کردار تھا، اس ورلڈکپ میں بھی شاہین اور حارث پاکستان کے لیے اہم ہیں۔

(جاری ہے)

انہوں نے کہا کہ شاہین آفریدی پیدائشی کپتان ہیں، انہوں نے 18 سال کی عمر میں لاہور قلندرز کو چیمپئن بنایا ، انہوں نے وہ کام کیا جو اے بی ڈی ویلیئرز اور حفیظ نہ کرسکے۔عاطف رانا نے کہاکہ شاہین آفریدی نے پہلے بھی پاکستان کو میچ جتوائے اور آگے بھی جتوائے گا، شاہین چاہے کپتان ہو یا کھلاڑی ہمیشہ ملک کے لیے کھیلتا ہے۔سی ای او لاہور قلندر نے کہا کہ ہم نے ہاکی میں کام کرنے کی کوشش کی لیکن متوازی فیڈریشن کی وجہ سے کام نہ کرسکے۔