صوبائی وزیر زراعت سید عاشق حسین کرمانی کی سنجنٹا(Syngenta)پاکستان پرائیویٹ لمیٹیڈ کمپنی کے کنٹری ہیڈ ذیشان حسیب بیگ سے ملاقات
صوبہ پنجاب میں فصلوں کی فی ایکڑ پیداوار میں اضافہ کے لیے محکمہ زراعت پنجاب اور پرائیویٹ سیکٹر کا باہمی اشتراک و تعاون از حد ضروری ہے
بدھ 15 مئی 2024 12:10
(جاری ہے)
اس موقع پرصوبائی وزیر زراعت سید عاشق حسین کرمانی نے اجلاس میں خطاب کرتے ہوئے کہا کہ صوبہ پنجاب میں فصلوں کی فی ایکڑ پیداوار میں اضافہ کے لیے محکمہ زراعت پنجاب اور پرائیویٹ سیکٹر کا باہمی اشتراک و تعاون از حد ضروری ہے۔
کاشتکاروں کو فصلوں کی جدید پیداواری ٹیکنالوجی سے متعلق آگاہی اور موبلاائزیشن کے لیے مشترکہ پروگرامز کا انعقاد وقت کا اہم تقاضا ہے۔ وزیر زراعت نے مزید کہا کہ کپاس کی کاشت کے سلسلے میں مشترکہ پروگرامز کے انعقاد کے ذریعے کاشتکاروں کی راہنمائی کی جائے۔انھوں نے کاشت کاروں کو معیاری زرعی مداخل کی فراہمی کے لیے کمپنی کی خدمات کو سراہا۔ وزیر زراعت پنجاب نے کہا کہ محکمہ زراعت پنجاب کاشتکاروں سے روابط میں بہتری کے لیے زرعی گریجویٹس کی کنٹریکٹ پر بھرتی کر رہا ہے۔انھوں نے مزید کہا کہ زرعی گریجویٹس کے ساتھ ڈیلرز اور فرنچائز کو منسلک کر کے کسانوں کے ساتھ مشاورتی سیشنز کا اہتمام کیا جائے۔ نواز شریف کسان کارڈ کے اجرا ئکے سلسلے میں کمپنی کے تمام ڈیلرز اور فرنچائز کی آؤٹ لیٹس پر سہولیات فراہم کی جائیں۔ سید عاشق حسین کرمانی نے مزید کہا کہ کاشتکاروں کو فصلوں کی فی ایکڑ پیداوار میں اضافہ کے لیے ہرممکن اقدام اٹھایا جائے گا۔ سیکرٹری زراعت پنجاب افتخار علی سہو نے اس موقع پر کہا کہ جنوبی پنجاب میں کپاس کے کاشتکاروں کی رہنمائی کے لیے محکمہ زراعت پنجاب کے اشتراک سے آگاہی پروگرامز منعقد کئے جائیں گے۔محکمہ زراعت پنجاب اور پرائیویٹ سیکٹر کی رہنمائی سے کاشتکاروں کی پیداواری لاگت میں کمی واقع ہو گی۔افتخار علی سہو نے مزید کہا کہ صوبہ پنجاب میں کپاس کی کاشت اور پیداوار کے ہدف کے حصول کیلئے نجی شعبہ محکمہ زراعت کے ساتھ کاشتکاروں کی فنی رہنمائی کے لیے تعاون کرے۔ انھوں نے مزید کہا کہ عصرِ حاضر کے تقاضوں کے مطابق ڈیجیٹل ٹیکنالوجی کا فروغ از حد ضروری ہے۔مزید قومی خبریں
-
او جی ڈی سی ایل نے سندھ اور کے پی میں فیلڈز سے تیل اور گیس کی پیداوار شروع کر دی
-
وزیر اعظم کے دورہ چین کے دوران ایم ایل ون منصوبے میں اہم پیشرفت کا امکان
-
سندھ کا نصف سے زائد ماحولیاتی بجٹ 16سال سے ضائع ہو رہا ہے، نجی تحقیقاتی ادارے کی رپورٹ
-
کے الیکٹرک کا بغیر معاہدہ وفاق سے بجلی لینے کا انکشاف
-
عیدالاضحی کی آمد کیساتھ ہی سبز مصالحہ جات مہنگے،لہسن کی قیمت 400سے 500روپے کلو ہوگئی
-
سوات ،سعودی پلٹ شخص نے گھر پہنچتے ہی بیوی کو چھری کے وارکرکے قتل کردیا
-
قریشی موڑ کے قریب موٹرسائیکل کے حادثہ میں 2بچوں سمیت3افراد زخمی
-
سیّد یوسف رضا گیلانی کی 72 ویں سالگرہ 9جون کو منائی جائے گی
-
دریاؤں اور آبی ذخیروں میں پانی کی صورتحال
-
وزیراعلی سندھ کاحیدرآباد سانحہ میں جان بحق افراد کے لئے فی کس 10 لاکھ روپے امداد کا اعلان
-
وزیر اعلیٰ بلو چستان بگٹی کا طیارہ حادثے سے بال بال بچ گیا
-
سی اے اے کی بد ترین کارکردگی، یورپی کمیشن نے پی آئی اے پر پابندی ہٹانے سے انکار کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.