فرانس کی سڑک پر فلمی سین حقیقت کا روپ دھار گیا، وین پر حملہ کرکے قیدی کو آزاد کرالیا، ویڈیو وائرل

بدھ 15 مئی 2024 22:21

پیرس (اُردو پوائنٹ اخبارتازہ ترین - آن لائن۔ 15 مئی2024ء) فرانس میں مسلح افراد نے دن دیہاڑے قیدی وین پر حملہ کرکے قیدی کو آزاد کرالیا۔فرانسیسی میڈیا کے مطابق حملے میں دو پولیس اہلکار ہلاک اور تین زخمی ہوگئے، واقعہ نارمنڈی کے علاقے میں اس وقت پیش آیا جب قیدی کو جیل سے عدالت لایا جارہا تھا۔

(جاری ہے)

نقاب پوش حملہ آوروں نے اپنی گاڑی پولیس ٹرک سے ٹکرائی اور کار سے باہر نکلے اور ٹرک کو چاروں طرف سے گھیر کر فائرنگ شروع کردی۔ملزمان دومنٹ تک مسلسل فائرنگ کرتے رہے اس دوران ایک حملہ آور نے وین کا دروازہ کھولا اور قیدی کو باہر نکال لیا اور فرار ہوگئے۔