وزیراعلیٰ پنجاب مریم نواز سے فارن کامن ویلتھ کے وفدکی ملاقات،6 سیکٹرزمیں اشتراک کار کی ضرورت پر اتفاق

لاہور (اُردو پوائنٹ اخبارتازہ ترین - اے پی پی۔ 16 مئی2024ء) وزیراعلی پنجاب مریم نواز شریف سے فارن کامن ویلتھ اینڈ ڈویلپمنٹ آفس کے وفد نے ملاقات کی،جس میں6 سیکٹرز میں اشتراک کار کی ضرورت پر اتفاق کیاگیا۔اجلاس میں ہیلتھ، ایجوکیشن،سوشل پروٹیکشن،ایئر کوالٹی،لوکل گورنمنٹ اورریونیو موبلائزیشن ویسٹ مینجمنٹ پر تفصیلی بریفنگ دی گئی۔ہیلتھ ایجوکیشن اوردیگر سیکٹرز کودرپیش مسائل اورحل کیلئے روڈ میپ کا جائزہ لیاگیا۔

وزیراعلی مریم نواز نے کہاکہ پنجاب کے ہر ضلع میں سٹیٹ آف دی آرٹ ہیلتھ فسیلٹی فراہم کررہے ہیں۔اوپی ڈی میں 80 فیصد اورایمرجنسی میں 90 فیصد سے زائد مفت ادویات فراہم کررہے ہیں۔پنجاب بہت جلد ایئر ایمبولینس سروس شروع کرنے والا پہلا صوبہ ہوگا۔انہوں نے کہا کہ پنجاب میں 153تحصیلوں میں ویسٹ مینجمنٹ کیلئے پائیدار اورخود کفیل سسٹم وضع کیا جارہا ہے۔

(جاری ہے)

سوشل اکنامک رجسٹری پراجیکٹ کے ذریعے پنجاب کا مستند ڈیٹا تیار کیا جارہا ہے۔ماحولیاتی آلودگی پر قابو پانے کیلئے انڈسٹری،ٹرانسپورٹ،زراعت،میونسپل مینجمنٹ میں اصلاحات متعارف کرائی جارہی ہیں۔وزیراعلی مریم نواز نے کہا کہ ٹیکس نہیں بڑھائیں گے،دائرہ کار وسیع کرنے کے عمل کا جائزہ لے رہے ہیں۔تھرڈ پارٹی مانیٹرنگ اورتصدیق سے شفافیت اورعملدرآمدکو یقینی بنایا جارہے۔

پلاسٹک نہیں دیکھنا چاہتے،نئی نسل کو محفوظ پنجاب دیناچاہتے ہیں۔برٹش ہائی کمشنر جین میریٹ نے وزیراعلی مریم نواز کے ویژن کوسراہا اور جین میریٹ نے ماحولیاتی امور کے بارے میں حکومت پنجاب کے اقدامات کی تعریف بھی کی۔ایف سی ڈی او کے وفد میں ڈویلپمنٹ ڈائریکٹرجوموئیر،لاہورآفس کی سربراہ کلاراسٹیرینڈ ہوج،سینئر آفیسر نوید عزیزاوردیگر شامل تھے جبکہ سینیٹرپرویز رشید،سینئر منسٹرمریم اورنگزیب،صوبائی وزیر اطلاعات عظمی زاہد بخاری،صوبائی وزیر صحت خواجہ عمران نذیر،وزیرخزانہ مجتبی شجاع الرحمن،وزیر بلدیات ذیشان رفیق،وزیر تعلیم رانا سکندرحیات،ارکان اسمبلی نوشین عدنان،ثانیہ عاشق،سیکرٹریز بھی موجودتھے۔