امریکا میں جو کنڈیشن سمجھے گا اس کو فائدہ ملے گا، شعیب ملک

اگر انگلینڈ سے سیریز جیتتے ہیں تو ورلڈکپ کیلئے اعتماد ملے گا، سابق کپتان کی گفتگو

جمعرات 16 مئی 2024 20:50

نیویارک (اُردو پوائنٹ اخبارتازہ ترین - این این آئی۔ 16 مئی2024ء) سابق کپتان قومی کرکٹ ٹیم شعیب ملک نے کہا ہے کہ امریکا میں پہلی بار میچ ہوگا، جو کنڈیشن سمجھے گا اس کو فائدہ ملے گا۔نیو یارک کے کرکٹ اسٹیڈیم میں میڈیا سے گفتگو کرتے ہوئے شعیب ملک نے کہا کہ پاکستان ٹیم سے اچھی توقعات ہیں، انہوں نے ابھی سیریز جیتی ہے۔انہوں نے کہا کہ قومی کھلاڑی ابھی اچھی فارم میں بھی ہیں، آغاز اچھا کریں گے تو فائدہ ہوگا۔

لگتا ہے ٹیم آگے تک جائے گی۔شعیب ملک نے کہا کہ اگر انگلینڈ سے سیریز جیتتے ہیں تو ورلڈکپ کیلئے اعتماد ملے گا۔انہوں نے کہا کہ عماد وسیم اور محمد عامر کا ٹیم میں ہونا پاکستان کیلیے اچھا ہے، ٹیم کو زیادہ سے زیادہ اعتماد دیں، ایونٹ میں ہار جیت ہوتی ہے۔سابق کپتان نے کہا کہ امریکا میں پہلی بار میچ ہوگا۔

(جاری ہے)

جو کنڈیشن سمجھے گا اس کو فائدہ ملے گا۔

سنا ہے اس وکٹ پر باؤنس ہوگا۔ انہوں نے کہا کہ صائم ایوب رسک لے کر کھیلتا ہے۔ ان میں بہت ٹیلنٹ ہے۔ اگر ہائی اسکورنگ گیم ہونگے تو صائم کے ساتھ ہی اوپننگ کرنی ہوگی۔شعیب ملک نے کہا کہ اگر وکٹ سلو ہوئی اور 160 رنز بن رہے ہوں تو بابر اور رضوان کے ساتھ جاسکتے ہیں۔انہوں نے کہا کہ بطور کرکٹ ہم پاک بھارت میچ کو صرف میچ کے طور پر دیکھتے ہیں۔ میچ کے بعد دونوں ٹیموں کے کھلاڑی ساتھ بیٹھتے ہیں کھاتے پیتے ہیں۔