ق*کے فور منصوبے پر ڈائریکٹر تعیناتی معاملہ، عدالت نے فریقین کو نوٹس جاری کردیے

ٌیہ منصوبہ 2021 میں منظور کیا گیا لیکن اب تک پراجیکٹ ڈائریکٹر مقرر نہیں کیا گیا، درخواست گزار

جمعرات 16 مئی 2024 22:20

،کراچی(اُردو پوائنٹ اخبارتازہ ترین - آن لائن۔ 16 مئی2024ء) سندھ ہائیکورٹ نے پانی کی فراہمی کے منصوبے میں پراجیکٹ ڈائریکٹر کی تعیناتی کا معاملہ پرعدالت نے فریقین کو 29مئی کیلیے نوٹس جاری کرتے ہوئے فریقین سے جواب طلب کرلیا۔درخواست گزار کا کہنا ہے کہ کے فور کراچی کو پانی کی فراہمی کا اہم منصوبہ ہے۔ ذوالفقار ڈومکی ایڈووکیٹ نے کہا کہ یہ منصوبہ وفاقی اور صوبائی حکومتیں مل کر مکمل کر رہی ہیں۔

منصوبہ ایکنک نے 2021میں منظور کیا لیکن ابھی تک پراجیکٹ ڈائریکٹر مقرر نہیں کیا گیا۔

(جاری ہے)

قواعد کے مطابق آزاد اور خود مختار پراجیکٹ ڈائریکٹر کی تقرری ضروری ہے۔تاہم یہاں ابھی تک تین پراجیکٹ ڈائریکٹر تعینات کیے جاچکے ہیں۔ درخواست میں موقف اختیارکیا گیا کہ ڈائریکٹرز کی تقرری کیلیے اشتہارات جاری نہیں کیے گئے۔آجکل اس عہدے پر چیف انجینئر غلام علی تالپور کو اضافی چارج دیا ہوا ہے۔

یہ صورت حال کراچی کے شہریوں کو پانی کی فراہمی میں مشکلات پیدا کررہی ہے۔قواعد کے مطابق شفاف طریقے سے پراجیکٹ ڈائریکٹر تعینات کیا جائے۔درخواست میں وفاقی وزارت پلاننگ ،ڈویلپمنٹ و اسپیشل انیشیٹو، چیف سیکرٹری سندھ،۔سیکرٹر پلاننگ سندھ، سیکرٹری ایریگیشن اور سندھ پبلک پروکیورمنٹ اتھارٹی کو فریق بنایا گیا ہے۔