غزہ کی صورتحال خراب ہو رہی ہے، رفح میں اسرائیلی آپریشن غلطی ہو گی،امریکا

رفح میں بڑا فوجی آپریشن غلطی ہو گی، حماس کو شکست دینے کیلئے دبا ئوبڑھانے کی ضرورت ہے،بیان

جمعہ 17 مئی 2024 13:32

غزہ کی صورتحال خراب ہو رہی ہے، رفح میں اسرائیلی آپریشن غلطی ہو گی،امریکا

واشنگٹن(اُردو پوائنٹ اخبارتازہ ترین - این این آئی۔ 17 مئی2024ء) امریکا نے ایک مرتبہ پھر اسرائیل کو رفح میں فوجی آپریشن سے خبردار کرتے ہوئے باز رہنے کی تلقین کی ہے۔

(جاری ہے)

غیرملکی خبررساں ادارے کے مطابق پریس بریفنگ میں اظہار خیال کرتے ہوئے امریکی محکمہ خارجہ کے نائب ترجمان ویدات پٹیل نے کہا کہ رفح میں بڑا فوجی آپریشن غلطی ہو گی، حماس کو شکست دینے کیلئے دبا ئوبڑھانے کی ضرورت ہے، غزہ کی صورتحال بدستور خراب ہو رہی ہے، غزہ میں جنگ بندی کیلئے پرعزم ہیں۔

نائب ترجمان امریکی محکمہ خارجہ ویدات پٹیل نے مزید کہا کہ اسرائیل کو غزہ کے جنوبی اور شمالی علاقوں میں امداد کی ترسیل نہیں روکنی چاہیے، امریکا تمام دستیاب ذرائع سے امداد میں اضافے کیلئے کام کر رہا ہے، غزہ کے راستے رفاہ میں ایندھن کی فراہمی رکنے پر تشویش ہے۔