ٹی ٹونٹی ورلڈکپ، جے شاہ نے اپنی سیمی فائنلسٹ ٹیموں کی پیشگوئی کردی

لاہور (اردو پوائنٹ تازہ ترین اخبار ۔ 17 مئی 2024ء ) سیکریٹری بھارتی کرکٹ بورڈ (بی سی سی آئی) نے اپنی ٹاپ فور سیمی فائنل کھیلنے والی ٹیموں کا نام بتادیا۔ ٹائمز آف انڈیا کو انٹرویو دیتے ہوئے امریکا اور ویسٹ انڈیز میں شیڈول ٹی ٹونٹی ورلڈکپ 2024ء کیلئے بھارتی کرکٹ بورڈ (بی سی سی آئی) کے سیکریٹری نے اپنی ٹاپ فور ٹیموں کے حوالے پیشگوئی کی، تاہم پاکستان کو ٹاپ فور میں شامل نہیں کیا۔

(جاری ہے)

انہوں نے کہا کہ ممکنہ طور پر بھارت، آسٹریلیا، نیوزی لینڈ کے علاوہ میزبان ویسٹ انڈیز سیمی فائنل کھیلنے والی ٹیموں میں شامل ہوں گی کیونکہ ان کے پاس موجود ٹیم مختصر فارمیٹ میں بہترین کھیل کا مظاہرہ کررہی ہیں۔ ٹورنامنٹ کا آغاز یکم جون سے امریکا اور ویسٹ انڈیز میں ہوگا، گروپ اے کی ٹاپ 2 ٹیمیں پاکستان اور بھارت 9 جون کو نیوریاک میں ایک دوسرے کے مدمقابل آئیں گی۔

دوسری جانب انٹرنیشنل کرکٹ کونسل (آئی سی سی) نے ٹی20 ورلڈکپ سے قبل وارم اَپ میچز کا شیڈول جاری کردیا ہے، جس میں 17 ٹیمیں حصہ لیں گی جب کہ پاکستان، انگلیںڈ اور جنوبی افریقا کی ٹیمیں ان میچز کا حصہ نہیں ہوں گی۔