رواں ماہ ابتک ڈکیتی و چوری کی وارداتوں میں ملوث106 گینگز کی230ممبران گرفتار

4کروڑ79لاکھ سے زائد مالیت کا مسروقہ مال برآمد کیا گیا،دوران تفتیش 554مقدمات بھی ٹریس کئے گئے

جمعہ 17 مئی 2024 17:45

لاہور(اُردو پوائنٹ اخبارتازہ ترین - این این آئی۔ 17 مئی2024ء) لاہور پولیس آپریشنز ونگ نے رواں ماہ کے پہلے پندرہ دن کی کارکردگی رپورٹ جاری کر دی۔ تفصیلات سے آگاہ کرتے ہوئے ڈی آئی جی آپریشنز محمد فیصل کامران نے بتایا کہ رواں ماہ ابتک ڈکیتی و چوری کی وارداتوں میں ملوث106 گینگز کی230ممبران گرفتار کئے گئے۔ ملزمان کے قبضہ سی4کروڑ79لاکھ سے زائد مالیت کا مسروقہ مال برآمد کیا گیاجس میں 7گاڑیاں،262موٹر سائیکلیں،134موبائل فونز دیگر سامان شامل ہے۔

دوران تفتیش ملزمان سی554مقدمات بھی ٹریس کئے گئے۔

(جاری ہے)

محمد فیصل کامران نے بتایا کہ اشتہاروں و عادی مجرمان کے خلاف جاری مہم میں 359 اشتہاری ملزمان،215 عادی مجرمان گرفتار جبکہ 775 عدالتی مفروران کو حراست میں لیا گیا۔ ناجائز اسلحہ کے خلاف گرینڈ آپریشن کے دوران358ملزمان کے قبضہ سے 2 کلاشنکوف،17رائفلز،17 بندوقیں،306 پسٹلزاورسینکڑوں گولیاں برآمدکی گئیں۔ منشیات برآمدگی پر427 ملزمان کوگرفتار کر کی920گرام آئس، 194کلوگرام سے زائد چرس،05کلو190گرام ہیروئن اور3602لیٹر شراب بھی برآمد کی گئی۔ ڈی آئی جی آپریشنزنے مزیدبتایاکہ قمار بازی میں ملوث194ملزمان گرفتارکر کے دا پر لگی10لاکھ سے زائد رقم بھی برآمدکی گئی۔