گندم کے ایشو کو مرنے نہیں دیں گے،حکومت کو شرم آنی چاہئے،اسد قیصر

اسلام آباد(اردو پوائنٹ اخبارتازہ ترین۔17 مئی 2024 ) پاکستان تحریک انصاف کے رہنماءاسد قیصر کا کہنا ہے کہ گندم کے ایشو کو مرنے نہیں دیں گے،حکومت کو شرم آنی چاہئے، ہم پنجاب کے کسانوں کے ساتھ کھڑے ہیں، گنے کے کاشتکار بھی دربدر ٹھوکریں کھا رہے ہیں،حکومت کی جانب سے مقرر کردہ قیمتوں پر بھی گندم نہیں خریدی جا رہی۔پارلیمنٹ ہاو¿س کے مرکزی گیٹ پر اپوزیشن نے کسانوں کے حق میں احتجاج کیا۔

اپوزیشن کے احتجاجی مظاہرے میں بیرسٹر گوہرعلی،اسد قیصر،حامد رضا ودیگر شریک ہوئے۔اس موقع پرگفتگو کرتے ہوئے رہنماءپی ٹی آئی اسد قیصر کا مزید کہنا تھا کہ پنجاب حکومت ٹک ٹاک ویڈیو بنانے کے بجائے کسانوں کے ساتھ کھڑی ہو۔ تحریک تحفظ اہل پاکستان کے وفد نے فیصل آباد میں کسانوں کے وفد سے ملاقات کی۔

(جاری ہے)

فیصل آباد سے نکلے تو کسان رہنماوں کو گرفتار کرلیا گیا۔

صاحبزادہ حامد رضا نے کہا کہ پنجاب کے کسان کے پاس اگلی فصل کے پیسے نہیں ہیں۔ پنجاب کے زمیندار کی فصل ان کی زمینوں پر پڑی ہے، جو خراب ہو رہی ہے اسے فوری طور پر اٹھایا جائے ۔ ہم اس مسئلے کو اجلاس میں آج اٹھانا چاہ رہے تھے لیکن اجلاس ملتوی کر دیا گیا، وزیرستان میں ڈرون حملہ ہوا ہے اس کی مذمت کرتے ہیں، کیا وزیر خارجہ نے اس پر احتجاج ریکارڈ کروا یا ہے، یہ ملکی خود مختاری پر حملہ ہے۔

بیرسٹر گوہر نے کہا کہ 5 جون کو اجلاس ہو گا اس میں اس مسئلے کو اٹھایا جائے گا،آج 15 منٹ کا اجلاس چلا کر اجلاس ملتوی کر دیا گیا۔انہوں نے کہا کہ ایوان میں خیبرپختونخواہ کی حکومت پر سوال ا±ٹھایا گیا آج جواب دینا چاہتے تھے لیکن اجلاس ملتوی کر دیاگیا۔اس موقع پر گفتگو کرتے ہوئے پی ٹی آئی رہنماءزرتاج گل کا کہنا تھا کہ کل پارلیمنٹ کے اندر ایک بہت برا واقعہ ہوا، طارق بشیر چیمہ میری سیٹ پر آئے اور ایسے الفاظ استعمال کیا جو غیر پارلیمانی الفاظ تھے، یہ الفاظ معاشرتی اقدار کے خلاف تھے۔