فیسکوریجن کے چھ آپریشن سرکلز میں بجلی چوری کے خلاف کارروائیاں جاری ہیں

جڑانوالہ (اُردو پوائنٹ اخبارتازہ ترین - آن لائن۔ 17 مئی2024ء) حکومت پاکستان اور وزارت توانائی (پاور ڈویژن)کی ہدایات پر فیسکوریجن کے آٹھ اضلاع میںبجلی چوروں کے خلاف بھرپور کریک ڈائون جاری ہے ۔چیف ایگزیکٹو فیسکو انجینئر محمد عامر کی ہدایات پر فیسکو ریجن کے چھ آپریشن سرکلز میں بجلی چوری کے خلاف کارروائیاں جاری ہیں ۔گزشتہ روزچیکنگ کے دوران فیسکو ریجن سے مزید31بجلی چور پکڑے گئے جن کو74ہزار7سو سے زائد ڈی ٹیکشن یونٹس اور20لاکھ71ہزار سے زائدکا جرمانہ عائد کیاگیا ہے۔

فیسکو ریجن میں بجلی چوری کے خلاف جاری خصوصی مہم میں250 روزکے دوران کل8080بجلی چور پکڑے گئے جن کو ایک کروڑ88لاکھ سے زائدڈی ٹیکشن یونٹس اور84کروڑ23لاکھ سے زائدجرمانہ عائدکیاگیا ہے ۔فیسکو ریجن میں مجموعی طور پر7948بجلی چوروں کے خلاف مقدمات کا اندراج کروایاجاچکا ہے جبکہ 6418بجلی چوروں کو گرفتاراور 60کروڑ15لاکھ سے زائد کی ریکوری کرلی گئی ہے ۔

(جاری ہے)

فیسکوفرسٹ سرکل سے اب تک1920بجلی چوروں کو45لاکھ14ہزار سے زائد ڈی ٹیکشن یونٹس اور19کروڑ91لاکھ سے زائد کا جرمانہ عائدکیاگیا ۔فیسکوسیکنڈسرکل سی1444بجلی چوروں کو35لاکھ88ہزار سے زائد ڈی ٹیکشن یونٹس اور 15کروڑ27لاکھ سے زائد کا جرمانہ عائدکیاگیا ۔فیسکوجھنگ سرکل سے کل915بجلی چوروں کو27لاکھ12ہزار سے زائد ڈی ٹیکشن یونٹس اور 9کروڑ71لاکھ سے زائد کا جرمانہ عائدکیاگیا۔

فیسکوسرگودھا سرکل سے 1177بجلی چوروں کو25لاکھ35ہزار سے زائد ڈی ٹیکشن یونٹس اور 12کروڑ87لاکھ سے زائد کا جرمانہ عائدکیاگیا ۔فیسکومیانوالی سے کل2063بجلی چوروں کو41لاکھ31ہزار سے زائد ڈی ٹیکشن یونٹس اور19کروڑ79لاکھ سے زائد کا جرمانہ عائدکیا گیا۔فیسکوٹوبہ ٹیک سنگھ سرکل سے کل561بجلی چوروں کو13لاکھ22 ہزارسے زائد ڈی ٹیکشن یونٹس اور 6کروڑ66لاکھ سے زائد کا جرمانہ عائدکیاگیا ۔