قومی اسمبلی کے حلقہ این اے 148ملتان میں ضمنی انتخاب (کل) ہوگا

ہفتہ 18 مئی 2024 15:48

لاہور(اُردو پوائنٹ اخبارتازہ ترین - این این آئی۔ 18 مئی2024ء) پنجاب کے قومی اسمبلی کے حلقہ این اے 148ملتان میں ضمنی انتخاب کے لئے پولنگ کل ( اتوار) کے روز ہو گی ۔ضمنی انتخاب میں 233624 مرد اور210607خواتین رجسٹرڈ ووٹرز اپنا حق رائے دہی استعمال کریں گے۔ضمنی انتخاب کے لئے 72مردانہ ،72زنانہ جبکہ 131مشترکہ پولنگ اسٹیشنز قائم کئے گئے ہیں۔

(جاری ہے)

ضمنی انتخا ب کے دوران شکایات کے ازالے کے لئے ضلعی اور صوبائی سطح پر مانیٹرنگ کنٹرول روم قائم کئے گئے ہیں۔

دفتر صوبائی الیکشن کمشنر پنجاب میں انتخابی شکایات کے ازالے کے لئے قائم کنٹرول روم 24گھنٹے فعال رہے گا۔ترجمان کے مطابق عوام 042-99212209, 042-99212620پر رابطہ کر سکتے ہیں۔صوبائی الیکشن کمشنر پنجاب اعجاز انور چوہان نے ضمنی انتخابات کی تیاریوں پر اطمینان کا اظہار کیا ہے ۔انہوںنے کہا کہ سکیورٹی کے فول پروف انتظامات کو یقینی بنایا گیا ہے۔ عوام بلا خوف و خطر پولنگ اسٹیشنز پر اپنا حق رائے دہی استعمال کرنے آئیں۔