معاون خصوصی ذیشان ملک کا وزیراعلیٰ مریم نواز کے حلقہ پی پی 159 کا دورہ

لاہور (اُردو پوائنٹ اخبارتازہ ترین - آن لائن۔ 18 مئی2024ء) معاون خصوصی وزیراعلیٰ پنجاب ذیشان ملک نے وزیراعلیٰ مریم نواز کے حلقہ پی پی 159 کا دورہ کیا اور حلقہ میں صحت وتعلیم ،روڈ انفراسٹرکچر سمیت اپنا گھر اپنی چھت کے منصوبوں پر پیش رفت کا جائزہ لیا۔ ڈی جی ایل ڈی اے نے معاون خصوصی کو جاری منصوبوں پر پیش رفت پر بریفنگ دی ۔ دورے کے دوران لیگی رہنما رانا خالد قادری سمیت مقامی بھی ہمراہ تھی۔

معاون خصوصی ذیشان ملک دورے نے حلقہ میں فیلڈ ہسپتال اور ’’اپنی چھت اپنا گھر پراجیکٹ‘‘کا دورہ کیا ۔ذیشان ملک نے فیلڈ ہسپتال میں عوام کو دی جانے والی صحت عامہ کی سہولیات کا جائزہ بھی لیا۔معاون خصوصی نے’’اپنی چھت اپنا گھر پراجیکٹ‘‘کے تحت زیر تعمیر گھروں کا معائنہ بھی کیا، ذیشان ملک نے آشیانہ سکیم میں بوائز ہائی`سکول کے لیے مختص جگہ کا بھی دورہ کیا ۔

(جاری ہے)

کماہاں لدھڑ ماڈل روڈ پراجیکٹ کا دورہ کیا اور اعلی احکام نے معاون خصوصی کو بریفنگ دی۔ذیشان ملک نے متعلقہ حکام کو مختلف منصوبے جلد شروع کرنے کی ہدایت کی اور حلقہ میں سیوریج کے نظام کی بہتر ی کیلئے اعلی حکام کو پلان تیار کرنے کی ہدایت کی ۔ ذیشان ملک نے کہا کہ وزیراعلی مریم نواز صوبے کے ترقیاتی منصوبوں کی پیش رفت کاجائزہ لینے کیساتھ ساتھ اپنے حلقہ کی ڈیویلپمنٹ کوبھی مانیٹرنگ کررہی ہیں، اعلی حکام کام کے معیار کاخاص طور پر خیال رکھیں،وزیر اعلی مریم نواز حلقہ کے عوام سے ایک ایک وعدہ کے تکمیل کیلئے کوشاں ہیں۔