رواں مالی سال کے 10 ماہ میں غذائی اشیا کی برآمدات میں 2 ارب ڈالر سے زائدکا اضافہ

پیر 20 مئی 2024 18:40

اسلام آباد (اُردو پوائنٹ اخبارتازہ ترین - این این آئی۔ 20 مئی2024ء) اسٹیٹ بینک آف پاکستان کے مطابق رواں مالی سال کے 10 ماہ میں غذائی اشیا کی برآمدات میں 2 ارب ڈالر سے زائد کا اضافہ ہوا ہے۔ اسٹیٹ بینک کے اعلامیے میں بتایا گیا ہے کہ رواں مالی سال کے 10 ماہ میں 5.96 ارب ڈالرکی غذائی اشیا برآمدکی گئیں جو مالی سال2023 کے ابتدائی10ماہ میں 3.92ارب ڈالر تھیں۔

(جاری ہے)

اسٹیٹ بینک کے مطابق رواں سال چاول کی برآمد 76 فیصد بڑھی ہے جب کہ جولائی تا اپریل 34.5 کروڑ ڈالر کے سی فوڈز برآمدکییگئے، رواں مالی سال جولائی سیاپریل تک69 کروڑ ڈالر کے پھل وسبزیاں بھی برآمدکی گئیں۔اسٹیٹ بینک کے مطابق 10 ماہ میں44 کروڑ 35 لاکھ ڈالر کا گوشت اورگوشت کی بنی دیگر مصنوعات برآمد کیں جبکہ 37 کروڑ ڈالرکے تیل کے بیج اور میوے برآمدکئے گئے، 10 ماہ میں ملک سے 2 کروڑ ڈالر کی چینی برآمد بھی کی گئی۔اعلامیے میں بتایا گیا کہ رواں مالی سال پاکستان سے گندم برآمد نہیں ہوئی۔