صحافتی تنظیموں کے نمائندوں کی سپیکر پنجاب اسمبلی اور وزیر اطلاعات پنجاب سے ملاقات

منگل 21 مئی 2024 00:10

لاہور (اُردو پوائنٹ اخبارتازہ ترین - اے پی پی۔ 21 مئی2024ء) ہتک عزت 2024بل کے حوالے سے صحافتی تنظیموں کے نمائندوں کی سپیکر پنجاب اسمبلی ملک محمد احمد خان اور وزیر اطلاعات پنجاب عظمی بخاری سے تین گھنٹے کی طویل مشاورت ہوئی۔ ملاقات میں صحافتی تنظیموں نے بل پر تحفظات سے آگاہ کیااور بل کا مزید جائزہ لینے اور تجاویز دینے کیلئے بل کی منظوری موخر کرنے کا مطالبہ کیاجو کہ تسلیم نہ کیا گیا گیا۔

(جاری ہے)

صحافتی تنظیموں نے اپنے موقف میں کہا کہ ابھی کچھ تنظیموں نے تجاویز دی ہیں باقی سٹیک ہولڈرز کی تجاویز دینا باقی ہیں،بل میں وفاقی قانون سازی اور پنجاب کی قانون سازی پر بنیادی ابہام ہیں انہیں دورکرنا ضروری ہیں،ایڈووکیٹ جنرل اور وزیر اطلاعات عظمی بخاری نے بل بارے بریفنگ دی۔ سپیکر پنجاب اسمبلی ملک محمد احمد خان کا کہنا تھا کہ حکومت صحافیوں کی تجاویز لینے کیلئے تیار ہے۔ہتک عزت بل ایجنڈے پر آ چکا ہے اب حکومت بتائے گی کہ اس نے اگلا لائحہ عمل اختیار کرنا ہے۔