کرکٹ آسٹریلیا کا پاک بھارت فینز زون کی ٹکٹوں کی فروخت 4 جون سے شروع کرنے کا اعلان

منگل 21 مئی 2024 14:31

سڈنی (اُردو پوائنٹ اخبارتازہ ترین - این این آئی۔ 21 مئی2024ء) کرکٹ آسٹریلیا نے بھارت اور پاکستان فینز زون کی ٹکٹوں کی فروخت 4 جون سے شروع کرنے کا اعلان کر دیا اس حوالے سے کرکٹ آسٹریلیا نے بتایا کہ پاک بھارت فینز زون کی ٹکٹ 30 سے 70 ڈالر کے درمیان ہو گی، ٹکٹوں کی فروخت 2 حصوں میں کی جائے گی۔

(جاری ہے)

کرکٹ آسٹریلیا نے کہا کہ 3 سے 14 جون تک جاری رہنے والے پہلے حصہ میں ٹکٹ پر ڈسکانٹ ہو گا، ڈسکانٹ ٹکٹ لینے کے لیے شائقین کرکٹ کو رجسٹر کرنا ہو گا۔آسٹریلوی کرکٹ بورڈ کے مطابق دوسرے حصے میں فینز بغیر رجسٹریشن کے 14 جون سے اپنی ٹکٹیں بک کرسکتے ہیں۔واضح رہے کہ پاکستان کو 6 وائٹ بال میچز جبکہ بھارت کو بارڈر گواسکر ٹرافی کھیلنے اس سال آسٹریلیا کا دورہ کرنا ہے۔