پی ٹی آئی قیادت کا اہم اجلاس، جے یو آئی سے ملکر تحریک چلانے بارے عمران سے مشاورت کا فیصلہ

جمعرات 23 مئی 2024 19:55

اسلام آباد (اُردو پوائنٹ اخبارتازہ ترین - این این آئی۔ 23 مئی2024ء) پی ٹی آئی قیادت نے جے یو آئی کیساتھ مل کر احتجاجی تحریک چلانے کے معاملے پر عمران خان سے مشاورت کرنے کا فیصلہ کیا ہے، حتمی منظوری پر دونوں جماعتوں کی بااختیار کمیٹی بنائی جائے گی۔تفصیلات کے مطابق مولانا فضل الرحمان سے ملاقات کے بعد پی ٹی آئی کی سینئر قیادت کا مشاورتی اجلاس منعقد ہوا۔

(جاری ہے)

اجلاس کو بتایا گیا کہ مولانا فضل الرحمان نے مذاکرات کیلئے بانی چیئرمین کی جانب سے ایشورٹی کا مطالبہ کیا ہے، مولانا فضل الرحمان کی جانب سے ایک نئے پلیٹ فارم سے نئی تحریک چلانے کا بھی مطالبہ سامنے آیا ہے۔اجلاس میں مولانا فضل الرحمان سے مذاکرات پر بانی تحریک انصاف سے مشاورت پر اتفاق کیا گیا۔ذرائع تحریک انصاف کے مطابق احتجاجی تحریک کے لیے مذاکراتی عمل کو آگے بڑھانے کے لیے پی ٹی آئی با اختیار کمیٹی قائم کرنے کی بات ہوئی، بتایا گیا کہ مولانا نے مطالبہ کیا ہے کہ بانی تحریک انصاف سے مشاورت کر کے مکمل بااختیار کمیٹی کے نام دیے جائیں۔

ذرائع نے بتایا کہ سربراہ جے یو آئی سے آئندہ ہفتے پھر ملاقات کی جائے گی، احتجاجی تحریک کو نئے سرے سے بھی شروع کرنے پر گزشتہ رات اہم گفتگو کی گئی۔