افریقہ کو سلامتی کونسل میں مستقل رکنیت ملنی چاہیے، گوتیرش
یو این جمعرات 23 مئی 2024 23:15
اسلام آباد (اُردو پوائنٹ ۔ UN اردو۔ 23 مئی 2024ء) اقوام متحدہ کے سیکرٹری جنرل انتونیو گوتیرش نے کہا ہے کہ عام بھلائی کی جدوجہد میں براعظم افریقہ کا اہم کردار ہے اور اسے سلامتی کونسل میں مستقل رکنیت سمیت عالمی سطح پر فیصلہ سازی میں جائز نمائندگی ملنی چاہیے۔
سلامتی کونسل سے خطاب کرتے ہوئے سیکرٹری جنرل نے واضح کیا ہے کہ امن و سلامتی قائم کرنے کے عالمی نظام میں افریقہ کی شرکت اور قیادت یقینی بنانا ضروری ہے۔
تاہم، آج افریقی ممالک کو سلامتی کونسل سمیت ایسے کسی پلیٹ فارم پر نمائندگی حاصل نہیں ہے۔سیاسی عدم استحکام اور دہشت گردی
افریقہ
کو مسلح تنازعات، دہشت گردی اور متشدد انتہاپسندی کا سامنا ہے۔ ساحل خطے کے ممالک سیاسی عدم استحکام اور دہشت گردی کے بڑھتے ہوئے خطرات سے دوچار ہیں۔(جاری ہے)
جھیل چاڈ کے طاس، صومالیہ اور دیگر علاقوں میں دہشت گردی اور انتہاپسندی پھیل رہی ہے۔
جمہوریہ کانگو اور شاخ افریقہ کو متواتر تشدد کا سامنا ہے اور سوڈان میں انسانی بحران شدید ہوتا جا رہا ہے۔یہی نہیں بلکہ افریقہ کے ممالک کو انسانی حقوق کی سنگین پامالیوں، صنفی بنیاد پر اور جنسی تشدد کے علاوہ جرائم کے ذمہ داروں کا محاسبہ نہ ہونے جیسے مسائل کا سامنا بھی ہے۔
ان حالات میں ناصرف براعظم میں بلکہ عالمی منظرنامے پر بھی امن کی جدوجہد میں افریقہ کے کردار کو مضبوط بنانے کی ضرورت ہے۔
عالمی مالیاتی نظام میں اصلاحات
سیکرٹری جنرل نے کہا کہ عالمی مالیاتی نظام میں بھی اصلاحات کی ضرورت ہے تاکہ افریقہ کے ممالک کو ترقی کے لیے درکار مدد مل سکے۔ ستمبر میں اقوام متحدہ کی 'کانفرنس برائے مستقبل' ممالک کو ان امور پر پیش رفت کا موقع دے گی۔
انہوں نے کہا کہ اقوام متحدہ افریقن یونین کے اقدام 'سائلنسنگ دی گنز' کے ذریعے امن کے لیے کی جانے والی کوششوں کی مکمل حمایت کرتا ہے۔ انہوں نے افریقن یونین کے زیرقیادت اقدامات میں تعاون کے لیے سلامتی کونسل کے فیصلے کا خیرمقدم بھی کیا۔
متعلقہ عنوان :
مزید اہم خبریں
-
کانفرنس برائے مستقبل میں نئے اور بیباک خیالات کا راج
-
معافی شعافی بھول جاؤ، معافی وہ مانگیں جنہوں نے ہم پر ظلم کیا، وزیراعلیٰ خیبرپختونخواہ
-
29 ستمبر کو میانوالی میں جلسہ کریں گے اس کے بعد پنڈی میں جلسہ ہوگا، علی امین گنڈاپور کا اعلان
-
بعض ادویات پر 18 فیصد جنرل سیلز ٹیکس عائد، قیمتیں آسمان پر پہنچ گئیں
-
عمران خان کو کسی اخبار کے مضمون پر وضاحت دینے کی ضرورت نہیں، بیرسٹر سیف
-
سوات؛ غیرملکی سفارتکاروں کے قافلے کے قریب ریموٹ کنٹرول دھماکہ، پولیس اہلکار شہید
-
حزب اللہ نے اسرائیل پر 100 سے زائد راکٹ فائر کیے
-
آئی پی پیز کیپسٹی چارجز پر مذاکرات کیلئے آمادہ، عوام کو ریلیف ملنے کا امکان
-
سیاسی و عسکری قیادت ریاست کیخلاف انتشاری کارروائیوں کا ڈٹ کر مقابلہ کرے گی، احسن اقبال
-
وقت کے ساتھ بدلتی اخلاقی اقدار
-
جمعیت علماء اسلام ف کا ملک میں نئے عام انتخابات کا مطالبہ
-
جرمنی میں صوبائی الیکشن، حکومتی جماعت کا انتہائی دائیں بازو سے مقابلہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.