شیر افضل مروت کے حوالے سے پی ٹی آئی میں اختلافات کھل کر سامنے آگئے

ہفتہ 3 اگست 2024 22:48

اسلام آباد (اُردو پوائنٹ اخبارتازہ ترین - آن لائن۔ 03 اگست2024ء) شیر افضل مروت کی پارٹی رکنیت ختم کرنے کا معاملہ معمہ بن گیا اور پی ٹی آئی میں اختلافات کھل کر سامنے آگئے۔تفصیلات کے مطابق شیر افضل مروت پی ٹی آئی کے رکن ہے یا نہیں معمہ بن گیا ، پی ٹی آئی کورکمیٹی نے شیر افضل کی پارٹی رکنیت ختم کردی اور قومی اسمبلی کی رکنیت چھوڑنیکا بھی مطالبہ کیا گیا۔

کورکمیٹی ارکان نے دعوی کیا کہ شیرافضل کی بنیادی رکنیت ختم کرنے کی منظوری بانی پی ٹی آئی نیدی تھی۔

(جاری ہے)

بعد ازاں چیئرمین پی ٹی آئی بیرسٹرگوہر نے شیرافضل کی رکنیت ختم کرنے کا نوٹیفکیشن جعلی قرار دے دیا اور کہا کہ بطورپارٹی چیئرمین ایسے کسی اقدام کی منظوری نہیں دوں گا، اگرکسی نے ذاتی حیثیت میں فیصلہ کیاہے توبھی منظورنہیں۔تاہم کورکمیٹی کیارکان نے نوٹی فکیشن درست قرار دیتے ہوئے بتایاکہ پارٹی رکنیت ختم کرنے کااعلامیہ فردوس شمیم نقوی کے دستخط سے جاری ہوا۔شیرافضل نے بھی ردعمل میں کہا پارٹی فیصلے کااحترام کرتاہوں افسوس رہیگا مجھے باضابطہ سنے بغیریکطرفہ فیصلہ کیاگیا بانی پی ٹی آئی کاسپاہی تھا،ہوں اوررہوںگا۔