آئینی ترمیم پر اپنا مائنڈ اپلائی کر رہے ہیں، قوم دعا کرے ہم سے کوئی غلطی نہ ہو جائے، رہنماء جے یو آئی ف کامران مرتضیٰ

اتوار 15 ستمبر 2024 11:30

اسلام آباد(اُردو پوائنٹ اخبارتازہ ترین - این این آئی۔ 15 ستمبر2024ء) جمعیت علمائے اسلام (جے یو آئی) کے سینیٹر کامران مرتضیٰ نے کہا ہے کہ آئینی ترمیم آج اسمبلی میں آرہی ہے یا نہیں ہمیں معلوم نہیں۔ایک بیان میں کامران مرتضیٰ نے کہا کہ آئینی ترمیم پر ہم اب اپنا مائنڈ اپلائی کر رہے ہیں، قوم دعا کرے کہ ہم سے کوئی غلطی نہ ہو جائے۔

(جاری ہے)

انہوں نے کہا کہ حکومت کی جانب سے کچھ تجاویز آئی ہیں، ان پر پارٹی کے باقی رہنماؤں سے بھی مشاورت کی جائے گی، شوریٰ اور مجلس عاملہ کے ارکان سے بھی مشاورت کی جائے گی۔

جے یو آئی کے سینیٹر کامران مرتضیٰ کا کہنا ہے کہ تجاویز میں شاید کوئی چیز اچھی لگے اور کوئی بری لگے، جو چیز اچھی لگے گی اس پر اچھی بات کریں گے۔کامران مرتضیٰ نے کہا کہ آئینی ترمیم پر پی ٹی آئی سمیت تمام جماعتوں کو اعتماد میں لیا جائے۔