قومی ٹیسٹ ٹیم کے کپتان شان مسعود نے اپنے ٹیسٹ کیرئیر کے2000 رنز مکمل کر لئے

پیر 7 اکتوبر 2024 17:50

ملتان (اُردو پوائنٹ اخبارتازہ ترین - اے پی پی۔ 07 اکتوبر2024ء) پاکستانی ٹیسٹ ٹیم کے کپتان شان مسعود نے اپنے ٹیسٹ کیرئیر کے2000رنز مکمل کر لئے ۔تفصیلات کے مطابق شان مسعود نے پیر کے روز انگلینڈ کیخلاف پہلے ٹیسٹ میچ کے دوران اپنے ٹیسٹ کیرئیر کے دو ہزار رنز مکمل کئے۔

(جاری ہے)

شان مسعود انگلینڈ کے خلاف پہلے ٹیسٹ میچ کی پہلی اننگز میں 177 گیندوں پر 151 رنز بنا کر آوٹ ہوئے۔شان مسعودنے36 ٹیسٹ میچوں میں 67 اننگز کھیل کر پانچ سنچریوں اور 10 نصف سنچریوں کی مدد سے30.35 کی اوسط اور 51.82 کی سٹرائیک ریٹ سے2034رنز بنا رکھے ہیں۔ٹیسٹ کرکٹ میں شان مسعود دو ہزار رنز کا سنگ میل عبور کرنے والے 34 ویں پاکستانی کھلاڑی بن گئے ہیں۔\932