Live Updates

ملتان ٹیسٹ میں اننگز سے شکست، پاکستانی ٹیم نے ایک اور شرمناک ریکارڈ اپنے نام کردیا

پاکستانی ٹیم ریکارڈ 5ویں مرتبہ پہلی اننگز میں 500 یا اس سے زائد رنز بنانے کے بعد میچ ہاری

ذیشان مہتاب جمعہ 11 اکتوبر 2024 13:41

ملتان ٹیسٹ میں اننگز سے شکست، پاکستانی ٹیم نے ایک اور شرمناک ریکارڈ ..

لاہور (اردو پوائنٹ تازہ ترین اخبار ۔ 11 اکتوبر 2024ء ) قومی ٹیم کی انگلینڈ کے ہاتھوں ملتان ٹیسٹ میں اننگز سے شکست نے ایک اور بدترین ریکارڈ بنوا دیا۔ ملتان کرکٹ سٹیڈیم میں کھیلے گئے میچ میں پہلی اننگز میں پاکستان نے 556 رنز بنائے جس کے جواب میں انگلینڈ نے 7 وکٹوں کے نقصان پر 823 رنز بنا کر اننگز ڈکلئیر کردی تھی۔ مہمان انگلش ٹیم نے پاکستان کیخلاف 267 رنز کی برتری حاصل کرلی تھی۔

(جاری ہے)

دوسری اننگز میں قومی ٹیم کی بیٹنگ لائن ریت کی دیوار ثابت ہوئی اور محض 220 رنز بناکر ڈھیر ہوگئی، ابتدائی 6 بلے باز محض 82 کے مجموعے پر پویلین لوٹے۔ تاہم آغا سلمان اور عامر نے ساتویں وکٹ کی شراکت میں 109 کی پارنٹرشپ قائم کی، جو شکست کا مقدر نہ بدل سکی۔ پاکستان واحد ٹیم ہے جو ریکارڈ پانچویں مرتبہ پہلی اننگز میں 500 یا اس سے زائد رنز بنانے کے بعد میچ ہاری ہو۔