پاکستانیوں نے ارطغرل غازی کو دنیا بھر میں مقبول بنایا، انگین آلتان کا بیان

جمعرات 12 دسمبر 2024 21:57

استنبول (اُردو پوائنٹ اخبارتازہ ترین - این این آئی۔ 12 دسمبر2024ء) ترک ڈرامہ سیریل ارطغرل غازی کے مرکزی کردار انگین آلتان نے ارطغرل غازی کی عالمی شہرت کا سہرا پاکستان اور پاکستان کے لوگوں کے سر سجا دیا۔میڈیا رپورٹس کے مطابق انگین آلتان نے حال ہی میں سعودی عرب میں منعقد ہونے والے ریڈ سی انٹرنیشنل فلم فیسٹیول میں شرکت کی۔

(جاری ہے)

اس دوران میڈیا سے گفتگو میں انگین آلتان نے کہا کہ ڈرامہ سیریل ارطغرل غاز ی پر ناظرین نے خاص توجہ دی لیکن اس ڈرامے کو ترکیے اور دنیا بھر کے شائقین کے برعکس پاکستانی شائقین سے زیادہ محبت ملی۔

انگین آلتان نے کہاکہ ڈرامہ سیریل ارطغرل غازی دنیا بھر میں بالخصوص پاکستان میں بے حد مقبول رہی، اس کردار کو پاکستانی عوام نے بے حد پسند کیا، دنیا بھر کے ناظرین ایک دوسرے سے مماثل ہو سکتے ہیں لیکن پاکستان میں یہ پسند ایک منفرد قسم کی ہے۔انگین آلتان نے ارطغرل غاز ی کے کردار سے اپنی ذاتی زندگی پر پڑنے والے ا ثر پر بات کرتے ہوئے کہا کہ اس کردار نے مجھے تبدیل کرنے کی بجائے خاصا متاثر کیا، اگرچہ میرے لئے ہر کردار اہم ہے لیکن ارطغرل خاص تھا کیونکہ اس نے مجھے پوری دنیا میں مقبولیت بخشی۔