جیکب آباد میں خناق کی وباء پھیل گئی، ایک ماہ کے دوران 7 بچے انتقال کرگئے،محکمہ صحت نے کوئی نوٹس نہیںلیا
(جاری ہے)
تفصیلات کے مطابق جیکب آباد کی تحصیل ٹھل کی یونین کونسل بچھڑو کے گاؤں ایاز خان کھوسو میں خناق کی وباء تیزی سے پھیلنے لگی ہے، جس کی وجہ سے ایک ماہ کے دوران 7 بچے فوت ہوچکے ہیں جبکہ کئی معصوم بچے اس وباء میں مبتلا ہوکر زندگی اور موت کی کشمکش میں ہیں، ملنے والی اطلاعات کے مطابق خناق کی وباء سے فوت ہونے والوں میں 4 سالہ علی احمد، 6 سالہ غلام رسول، 7 سالہ آصف علی، 5 سالہ راشد علی، 6 سالہ علی شیر، 4 سالہ علی اکبر، 5 سالہ گل محمد شامل ہیں جبکہ اس وقت بھی 4 سالہ مٹھی، 5 سالہ مٹھل اور 3 سالہ غلام مصطفی سمیت کئی بچے خناق میں مبتلا ہیں، علاقہ مکینوں نے بتایا کہ گلے میں سوجن ہونے کے بعد بچے کھانے پینے اور بولنے سے محروم ہوجاتے ہیں جس کے بعد ان کی موت واقعہ ہوجاتی ہے، متاثرہ گاؤں کے مکینوں نے کہا کہ بچوں کی اموات کے باوجود محکمہ صحت کی کوئی ٹیم نہیں پہنچی انہوں نے مطالبہ کیا کہ ہنگامی بنیادوں پر محکمہ صحت کی ٹیموں کو متاثرہ علاقوں میں بھیج کر معصوم بچوں کی زندگیاں بچائی جائیں، بچوں کی بیماریوں کے مشہور ڈاکٹر عبدالرشید وہاب میمن نے بتایا کہ بچوں میں خناق کی ویکسینیش نہ ہونے کی وجہ سے یہ وباء پھیل رہی ہے اس وباء کو روکنے کے لیے بچوں کو ویکسینیشن کرائی جائے، انہوں نے کہا کہ جیکب آباد میں خناق کی ویکسین موجود نہیں سکھر کی چلڈرن اسپتال میں اس کی ویکسین موجود ہے اس لیے متاثرہ بچوں کو فلفور سکھر چلڈرن اسپتال سے ویکسین کرائی جائے تاکہ مزید اموات کو روکا جاسکے، انہوں نے کہا کہ جیکب آباد ضلع میں ای پی آئی سینٹر کام نہیں کررہے اور بچوں کو ویکسین نہیں کی جارہی جس کی وجہ سے بچے وبائی امراض میں مبتلا ہورہے ہیں، انہوں نے کہا کہ یہ ایک مہلک بیماری ہے جوکہ ناک اور گلے کی جھلیوں کو نشانہ بناتی ہے اس کی علامات میں کمزوری، بخار اور گلے کی خرابی شامل ہے اس کی سب سے اہم علامت سانس لینے میں دشواری ہے ترقی یافتہ ممالک میں یہ بیماری نہ ہونے کے برابر ہے ویکسین کی مدد سے اس بیماری سے تحفظ ممکن ہے، اس وباء سے تحفظ کے لیے بچوں کو ویکسینیشن کی جائے۔
متعلقہ عنوان :
مزید قومی خبریں
-
وزیر صحت و آبادی خواجہ عمران نذیر کا پنجاب انسٹیٹیوٹ آف کارڈیالوجی کا اچانک دورہ
-
پنجاب بلدیاتی انتخابات،پی ٹی آئی کے میدان سے باہر ہونے کا خدشہ
-
ساہیوال کول پاورپراجیکٹ کا اپنے ملازم کی پیشہ ورانہ ترقی میں اہم کردار
-
پاکستان پیپلز پارٹی کی نائب صدر اور سینیٹر شیری رحمان کا کارساز حملے کی 18 ویں برسی پر شہدا کو خراج عقیدت پیش
-
لاہور میں 13سالہ بچے سے زیادتی کی کوشش، ملزم گرفتار
-
ای چالان نادہندہ گاڑی بلیک لسٹ کرنے کیلئے چالان کی تعداد کم کر دی گئی
-
شہیدوں نےجمہوریت اور عوامی خدمت کے لیے اپنی جانوں کا نذرانہ پیش کیا ، وزیراعلی بلوچستان
-
لانس نائیک محمد محفوظ شہید نشان حیدر کا81واں یوم پیدائش 25اکتوبر کو منایا جائے گا
-
دریائوں اور آبی ذخیروں میں پانی کی صورتحال
-
وزیرتعلیم رانا سکندرحیات کی کاوش سے پھولنگر میں خستہ حال سکول کی تعمیر و مرمت مکمل
-
خاورمانیکا پرمبینہ تشدد کا کیس: پی ٹی آئی وکلا کے وارنٹ گرفتاری جاری
-
ڈیرہ غازی خان میں ڈاکو اپنے ہی ساتھیوں کی فائرنگ سے ہلاک
