چیمپئنز ٹرافی: بابر اعظم ناکام ہوئے تو کیا جواز پیش کرینگے؟، باسط علی کا بڑا دعویٰ

سابق کپتان کا بلا چل گیا تو وہ کہیں گے کہ انھوں نے پاکستان کیلئے قربانی دی، اگر ناکام ہوئے تو سیدھا جواز ہوگا زبردستی اوپن کروایا گیا : سابق کرکٹر

ذیشان مہتاب منگل 4 فروری 2025 15:42

چیمپئنز ٹرافی: بابر اعظم ناکام ہوئے تو کیا جواز پیش کرینگے؟، باسط علی ..

لاہور (اردو پوائنٹ تازہ ترین اخبار ۔ 4 فروری 2025ء ) سابق کرکٹر باسط علی نے ایک مرتبہ پھر آئی سی سی چیمپئنز ٹرافی میں بابراعظم سے اوپننگ کروانے کی مخالفت کردی۔

ایونٹ میں بطور دفاعی چیمپئن داخل ہونیوالی پاکستانی ٹیم کے اسکواڈ پر تشویش تاحال برقرار ہے، آل راؤنڈر فہیم اشرف، اوپننگ میں فخر زمان کیساتھ بابراعظم کی شمولیت اور ایک اسپنر منتخب کرنے پر 15 رکنی ٹیم زیر بحث ہے۔

54 سالہ سابق ٹیسٹ کرکٹر باسط علی نے اپنے یوٹیوب چینل پر اوپننگ کے حوالے سے گفتگو کرتے ہوئے کہا کہ اگر بابراعظم اچھی کارکردگی دکھاتے ہیں تو وہ کہیں گے کہ انھوں نے پاکستان قربانی دی لیکن اگر ناکام ہوئے تو سیدھا جواز ہوگا زبردستی اوپن کروایا گیا۔

ایونٹ کے میزبان ملک پاکستان نے سب سے آخر میں اپنے اسکواڈ کا اعلان کیا ہے جس کی وجہ اوپنر صائم ایوب کی انجری اور کچھ کھلاڑیوں کا کم بیک تھا۔

(جاری ہے)

پاکستانی اسکواڈ کا اعلان ہونے کے بعد کئی کھلاڑیوں کے انتخاب پر سوالات اٹھائے جا رہے ہیں، ان سب سے پہلا فہیم اشرف اور خوشدل شاہ کا ہے، بعد ازاں فخر زمان کے کیساتھ اوپن کرنے بڑا مسئلہ پیدا ہوگیا ہے۔

دوسری جانب لیجنڈری کرکٹر و سوئنگ کے سلطان وسیم اکرم نے بھی فہیم اشرف کی سلیکشن پر تشویش کا اظہار کرتے ہوئے انہیں 'آؤٹ آف بلیو' قرار دیا تھا۔

فرنچائز کی پریس کانفرنس میں آل راؤنڈر کی اسکواڈ میں واپسی پر سوال کا جواب دیتے ہوئے کہنا تھا کہ ابتدائی 20 میچز میں اسکی بالنگ اوسط 100 کی ہے اور بیٹنگ اوسط محض 9 کی، اب آگے کیا کہہ سکتے ہیں۔