حرا کی پذیرائی مانی نظرانداز، سوشل میڈیا پرمداح برہم

پیر 26 مئی 2025 23:00

کراچی (اُردو پوائنٹ اخبارتازہ ترین - این این آئی۔ 26 مئی2025ء)اداکارہ و میزبان حرا مانی اور شوہر سلمان شیخ عرف مانی حال ہی میں ایک تقریب میں بطور مہمان خصوصی مدعو کیے گئے، جہاں حرا مانی کو بھرپور پذیرائی ملی تاہم شوہر مانی کو تقریب میں مکمل طور پر نظر انداز کر دیا گیا۔

(جاری ہے)

تقریب مقامی ہوٹل میں منعقد کی گئی تھی، جس میں شوبز، میڈیا اور کھیلوں سے تعلق رکھنے والی اہم شخصیات نے شرکت کی، حرا مانی نے بیج رنگ کے خوبصورت مغربی طرز کے لباس میں شرکت کی اور تقریب میں ان کے لیے خاص استقبال کا بندوبست کیا گیا، اس موقع پر انہیں گلدستہ بھی پیش کیا گیا۔

مانی تقریب میں پہلے لمحے سے آخر تک پسِ منظر میں دکھائی دیئے، سوشل میڈیا پر وائرل ہونے والی ویڈیوز میں واضح طور پر دیکھا جا سکتا ہے کہ انہیں ناصرف تقریب کے دوران نظر انداز کیا گیا بلکہ سٹیج پر بھی ان کیلئے کوئی خاص توجہ نہیں دی گئی۔اس صورتحال پر مداحوں نے شدید ردعمل ظاہر کیا، ایک صارف نے لکھا کہ حرا شوہر مانی کی بدولت مشہور ہوئیں، آج اٴْسی شوہر کو پیچھے چھوڑ دیا۔سوشل میڈیا پر کچھ صارفین نے افسوس کا اظہار کرتے ہوئے کہا کہ مانی ایک وقت میں بڑے اسٹار تھے اور آج اپنی اہلیہ کی شہرت کے نیچے دب چکے ہیں۔