باجوڑ ،بم دھماکے میں شہید ہونیوالے ڈی ایچ او باجوڑ کے والد سپردخا ک

جمعہ 6 جون 2025 22:10

باجوڑ(اُردو پوائنٹ اخبارتازہ ترین - این این آئی۔ 06 جون2025ء) باجوڑ بم دھماکے میں شہید ہونیوالے ڈی ایچ او باجوڑ کے والد محمد ایوب کو سپردخا ک کیاگیا۔ گزشتہ رات بم دھماکے میں شہید ہونیوالے ڈسٹرکٹ ہیلتھ آفیسر باجوڑ ڈاکٹر گوہر کے والد محمد ایوب کی نماز جنازہ خار سکول گرائونڈ میں ادا کردی گئی۔ نماز جنازہ میں سابق صوبائی وزیر و ایم پی اے انور زیب خان ،چیئرمین ڈیڈک ایم پی اے ڈاکٹر حمید الرحمن اور مختلف مکتبہ فکر کے لوگوں نے بڑی تعداد میں شرکت کی ۔

بعد ازاں شہید کو خار قبرستان میں سپردخاک کیاگیا۔

(جاری ہے)

ڈپٹی کمشنر باجوڑ شاہد علی، کمانڈنٹ باجوڑ سکائوٹس ، ڈی پی او باجوڑ وقاص رفیق ، اراکین صوبائی اسمبلی ڈاکٹر حمید ، نثار باز ، انور زیب خان ، فوکل پرسن وزیر اعلیٰ گل ظفر خان، سابق ایم این اے شہاب الدین خان اور مختلف مکتبہ فکر کے لوگوں نے ڈی ایچ او باجوڑ ڈاکٹر گوہر کے گھر جاکر ان سے تعزیت اور فاتحہ خوانی کی ۔ یادرہے کہ گزشتہ رات ڈسٹرکٹ ہیلتھ آفیسر باجوڑ ڈاکٹر گوہر کے گھر کے گیٹ پر بم دھماکہ ہوا۔ جس کے نتیجے میں ان کے والد میاں محمد ایوب شدید زخمی ہوگئے تھے جن کو بعد ازاں ہسپتال منتقل کیاگیا تاہم وہ زخموں کے تاب نہ لاتے ہوئے چل بسے ۔