Live Updates

عیدالاضحیٰ عالم اسلام کےلئے خوشی کا سب سے بڑا تہوار ہے ، وزیراعلیٰ خیبر پختونخوا

پیر 9 جون 2025 10:10

پشاور (اُردو پوائنٹ اخبارتازہ ترین - اے پی پی۔ 09 جون2025ء) وزیراعلیٰ خیبر پختونخوا علی امین خان گنڈاپور نے کہا ہے کہ عیدالاضحیٰ عالم اسلام کےلئے خوشی کا سب سے بڑا تہوار ہے جوایثار ، محبت، اتفاق کا درس دیتا ہے۔ وزیراعلی ہاؤس سے جاری پیغام میں وزیراعلی خیبر پختونخوا علی امین خان گنڈاپور نے پوری قوم کو عید کی مبارکباد دیتے ہوئے کہا کہ عیدالاضحیٰ عالم اسلام کےلئے خوشی کا سب سے بڑا تہوار ہے جوایثار ، محبت، اتفاق کا درس دیتا ہے.اس دن سنت ابراہیمی کی ادائیگی ہمیں اللہ تعالی کی رضاجوئی، دوسروں کے دکھ درد کو بانٹنے کے لئے ایثار و قربانی کا احساس دلاتی ہے۔

انہوں نے کہا کہ صاحب ثروت لوگ اس پر مسرت موقع پر اپنے ارد گرد نادار اور مستحق لوگوں کو اپنی خوشیوں میں ضرور شریک کریں، نادار اور مستحق لوگوں کو اپنی خوشیوں میں شریک کرنا ہی اس عظیم اسلامی تہوار کی اصل روح اور انسانیت کی معراج ہے. وزیراعلی نے کہا کہ عیدالاضحیٰ کا دن ہمیں اللہ تعالی کی رضا اور خوشنودی حاصل کرنے اور اتحاد، اتفاق، امن اور سلامتی کا درس بھی دیتا ہے، شہری سنت ابراہیمی کی ادائیگی کے بعد صفائی ستھرائی کا خاص خیال رکھیں اور صفائی عملے کے ساتھ بھر پور تعاون کریں۔

(جاری ہے)