Live Updates

تعلیم کے شعبے کےلیے گزشتہ سال کے مقابلے میں 12.4 فیصد زیادہ فنڈز رکھے گئے ہیں، وزیراعلیٰ سندھ

جمعہ 13 جون 2025 18:36

کراچی (اُردو پوائنٹ اخبارتازہ ترین - اے پی پی۔ 13 جون2025ء) وزیر اعلیٰ سندھ سید مراد علی شاہ نے مالی سال 2025-26 کے لیے 34 کھرب 51 ارب روپے کا بجٹ پیش کردیا۔تعلیم کیلئے 523.7 ارب روپے مختص کئے گئے ہیں جو گزشتہ سال کے 458.2کے مقابلے میں 12.4فیصد زیادہ ہے۔وزیراعلی سندھ سید مراد علی شاہ نے بجٹ اجلاس سے خطاب کرتے ہوئے کہا کہ پرائمری تعلیمی بجٹ 136.2ارب روپے سے بڑھا کر 156.2ارب روپے کیا گیا ہے۔

مڈل ایلیمنٹری تعلیم کے لئے 36.2 ارب سے بڑھاکر 42.7ارب روپے کردیا ہے۔

(جاری ہے)

سیکنڈری تعلیم کے لئے 68.5ارب روپے سے بڑھاکر 77.2 ارب روپے کردیا ہے۔کالج تعلیم میں 5ارب روپے اضافے کے ساتھ 39.530 ,ارب روپے مختص کئے گئے ہیں۔کالج عمارتوں کی مرمت کے لئے 500ملین روپے مختص کئے گئے ہیں۔غیرملکی یونیورسٹیوں میں ہونہار طلبہ کی اسکالرشپ کے لئے 500ملین روپے مختص کئے گئے ہیں۔غریب اور مستحق طلبہ کی حوصلہ افزائ کے لئے ملکی یونیورسٹی میں تعلیم کے لئے سندھ آیجوکیشن انڈوومنٹ فنڈ کے تحت 2ارب روپے مختص کئے گئے ہیں۔11کیڈٹ کالجوں کا معیار بڑھانے کے لئے 1.4ارب روپے مختص کئے گئے ہیں