الیکشن کمیشن میں قائد حزب اختلاف عمرایوب خان کے خلاف اثاثہ جات کے سال 2024 کے گوشواروں کا کیس سماعت کے لئے مقرر

جمعرات 24 جولائی 2025 16:44

اسلام آباد (اُردو پوائنٹ اخبارتازہ ترین - اے پی پی۔ 24 جولائی2025ء) الیکشن کمیشن نے قائد حزب اختلاف عمرایوب خان کے خلاف اثاثہ جات کے سال 2024 کے گوشواروں کا کیس سماعت کے لئے مقرر کردیا۔

(جاری ہے)

ای سی پی کی جانب سے جاری کاز لسٹ کے مطابق اس کیس کی سماعت 29 جولائی کو ہوگی۔اسی روز قومی اسمبلی کے حلقہ این اے 1 چترال واپردیر سے ایم این اے عبدلطیف خان کی آئین کے آرٹیکل 62 اور 63 کے تحت نااہلی کے کیس کی سماعت بھی ہوگی،ان کے خلاف یہ درخواست 30 مئی 2025 کے انسداد دہشت گردی کورٹ کے فیصلے کے تحت فضل الرحمان کی طرف سے دائر کی گئی ہے۔