سعودی عرب ،عوامی مقام پر ہوائی فائرنگ کرنے والے دو شہری گرفتار

پیر 15 ستمبر 2025 13:30

ریاض(اُردو پوائنٹ اخبارتازہ ترین - این این آئی۔ 15 ستمبر2025ء)سعودی عرب کے شہر ریاض کی پولیس نے عوامی مقام پر ہوائی فائرنگ کرنے کے الزام میں دو شہریوں کو حراست میں لیا ہے، ویڈیو سوشل میڈیا پر وائرل ہونے پر ملزمان کی گرفتاری عمل میں لائی گئی۔ ملزمان کے اس عمل سے دوسروں کی جانوں کو شدید خطرہ لاحق ہو سکتا تھا۔

(جاری ہے)

پولیس کا کہنا تھا کہ دونوں ملزمان کے خلاف مقدمہ دائر کرکے انہیں پراسیکیوشن کے حوالے کر دیا گیا ہے جبکہ واقعے کی ویڈیو کو سوشل میڈیا پر اپ لوڈ کرنے والے کی تلاش بھی جا ری ہے۔خیال رہے سعودی عرب میں کسی غیرقانونی عمل کی ویڈیو کو سوشل میڈیا پر اپ لوڈ کرنا سائبر کرائم کے زمرے میں آتا ہے اور ایسا کرنے والے قانون شکنی کے مرتکب قرار پاتے ہیں۔