اٹک ، اٹک پولیس کی شاندار کاروائیاں، 6 ملزمان سے 5 کلو سے زائد چرس اور 10 لیٹر شراب برآمد، مقدمات درج

پیر 22 ستمبر 2025 20:20

aاٹک (اُردو پوائنٹ اخبارتازہ ترین - آن لائن۔ 22 ستمبر2025ء) اٹک پولیس کی شاندار کاروائیاں، 6 ملزمان سے 5 کلو سے زائد چرس اور 10 لیٹر شراب برآمد، مقدمات درج ۔

(جاری ہے)

تفصیلات کے مطابق ڈسٹرکٹ پولیس آفیسر اٹک سردار موارہن خان کی ہدایات پر اٹک پولیس کی منشیات فروشوں کے خلاف کاروائیاں جاری ہیں اسی سلسلے میں تھانہ صدر اٹک کے اسسٹنٹ سب انسپکٹر بلال نے دوران چیکنگ علی رضا ولد محمد اشرف سکنہ کالی ڈلی تحصیل جنڈ ضلع اٹک سے 1600 گرام چرس برآمد کر لی اسی طرح دو مزید کاروائیوں میں تھانہ صدر اٹک پولیس نے جہانگیر ولد شیر افضل سکنہ محلہ اویسیہ شین باغ تحصیل و ضلع اٹک سے 400 گرام چرس اور حارث بشیر ولد بشیر مسیح سکنہ محلہا عوان شریف اٹک سے 540 گرام چرس برآمد ہونے پر گرفتار کر لیا اسی طرح تھانہ انجراء کے اے ایس آئی عادل ربانی نے بدنام زمانہ منشیات فروش وسیم اقبال ولد محمد اقبال سکنہ عالم آباد لکڑ مار تحصیل جنڈ ضلع اٹک سے 1440 گرام چرس برآمد کر لی جبکہ دوسری جانب تھانہ سٹی حسن ابدال پولیس نے کریم ولد غلام اکبر سکنہ محلہ سخی نگر حسن ابدال سے 1200 گرام چرس برآمد کر لی جبکہ تھانہ رنگو پولیس نے فضل محمد ولد تاج محمد سکنہ ڈھوک امیر آباد، فورملی تحصیل حضرو ضلع اٹک سے 10 لیٹر شراب برآمد ہونے پر گرفتار کر کے الگ الگ مقدمات درج کر لئی