Live Updates

ملتان میں ریسکیو1122نےگزشتہ24گھنٹوں کےدوران 409افرادکوریسکیوکیا،ترجمان

منگل 23 ستمبر 2025 22:40

ملتان (اُردو پوائنٹ اخبارتازہ ترین - اے پی پی۔ 23 ستمبر2025ء) ریسکیو 1122کی جانب سےگزشتہ24گھنٹوں میں ضلع ملتان میں397ایمرجنسیز میں مجموعی طور 409افرادکوریسکیوکیاگیا۔ترجمان ریسکیو 1122کےمطابق گزشتہ چوبیس گھنٹوں کےدوران ملتان شہر میں377،شجاع آبادمیں 11اور جلال پورپیروالامیں نو ایمرجینسیز پیش آئیں۔جن میں ٹریفک حادثات کی تعداد126 ہے،ملتان شہر میں113، شجاع آبادمیں 10 اور جلال پور پیر والا میں تین ٹریفک حادثات پیش آئے۔

ریسکیو 1122 کی ٹیموں نےضلع بھر میں218میڈیکل ایمرجنسیزمیں مریضوں کومختلف ہسپتالوں میں شفٹ کیا،ملتان شہر میں211،شجاع آباد میں پانچ اور جلال پور پیر والا میں دو میڈیکل ایمرجینسیز اٹینڈ کی گئیں۔14 کرائم اور26متفرق ایمرجینسیزپرریسکیوکیا گیا۔مجموعی طور پر409افراد کو ریسکیو کیا گیا،ملتان شہر میں386،شجاع آباد میں 13ور جلال پور پیر والا میں 10 افرادکوریسکیوکیا گیا۔

(جاری ہے)

ریسکیو 1122 نے گزشتہ 24 گھنٹوں کے دوران ملتان ،شجاع آباد اور جلال پور پیر والا میں دریائے چناب اور دریائے ستلج کے سیلاب سے متاثرہ علاقوں میں متاثرین کو ٹرانسپورٹیشن سروسز فراہم کیں۔ اس سہولت کے تحت سیلاب کے دوران قائم کیے گئے ریلیف کیمپوں میں مقیم افراد کو اپنے گھروں تک پہنچانے کے لیے ٹرانسپورٹ مہیا کی گئی جبکہ وہ متاثرین جو کیمپوں میں منتقل نہیں ہو سکے تھےانہیں کھانے اور راشن کی فراہمی بھی یقینی بنائی گئی۔ اس ٹرانسپورٹیشن سروس سے 491 افراد نے استفادہ حاصل کیا۔