ڈی جی ایل ڈی اے طاہر فاروق کاعطا بخش روڈ نزد کماہاں کا دورہ،جاری ترقیاتی کاموں کا جائزہ لیا

جمعرات 16 اکتوبر 2025 20:20

لاہور (اُردو پوائنٹ اخبارتازہ ترین - اے پی پی۔ 16 اکتوبر2025ء) ڈی جی ایل ڈی اے طاہر فاروق نے عطا بخش روڈ نزد کماہاں لدھر روڈ کا دورہ کیا ۔ ڈی جی نے عطا بخش روڈ پر جاری ترقیاتی کاموں کا جائزہ لیا۔ پراجیکٹ ڈائریکٹر اور کنٹریکٹر نے بریفنگ دی۔عطا بخش روڈ کے ایک حصے پر فنشنگ ورک جبکہ دوسرے حصے پر اسفالٹ کی تیاری جاری ہے۔عطا بخش روڈ پر اعظم چوک تک اسفالٹ رواں ہفتے کی جائے گی۔

(جاری ہے)

سڑک کے ایک طرف فٹ پاتھ، پیور اور دوسری طرف تجاوزات ختم کرکے سڑک کشادہ کی گئی ہے۔ ڈی جی نے ترقیاتی کاموں کی فنشنگ کا تفصیلی جائزہ لیا۔انہوں نے کہا کہ فیروز پور روڈ ہڈیاراں ڈرین تا اعظم چوک سسٹین ایبل ڈویلپمنٹ ماڈل کے تحت کام کیا جا رہا ہے۔انہوں نے عطا بخش روڈ پر نالے کے اوپر کراسنگ اور گرینری کو بہتر بنانے کی ہدایت کی۔انہوں نے کام کے معیار کو یقینی بنانے اور رفتار تیز کرنے کی ہدایت کی۔

متعلقہ عنوان :