خیبر پختونخوا حکومت نے مختلف محکموں کو 23 ارب 77 کروڑ روپے کے ترقیاتی فنڈز جاری کر دئیے

جمعہ 17 اکتوبر 2025 20:25

پشاور(اُردو پوائنٹ اخبارتازہ ترین - این این آئی۔ 17 اکتوبر2025ء) خیبر پختونخوا حکومت نے مختلف محکموں کو 23 ارب 77 کروڑ روپے کے ترقیاتی فنڈز جاری کر دئیے ہیں۔محکمہ خزانہ کے مطابق فنڈز مالی سال 2025-26 کی دوسری سہ ماہی کے تحت جاری کیے گئے،فلیگ شپ اسکیموں سے فنڈز کی منتقلی پر پابندی بھی عائد کی گئی۔

(جاری ہے)

ذرائع کے مطابق سب سے زیادہ فنڈز صحت اور تعلیم کیلئے جاری کر دیے گئے ہیں،محکمہ صحت کیلئے 2 ارب 47 کروڑ 63 لاکھ روپے جبکہ محکمہ تعلیم 3 ارب ایک کروڑ 46 لاکھ، اعلیٰ تعلیم کیلئے 64 کروڑ 85 لاکھ روپے جاری کئے گئے۔

دوسری سہ ماہی میں زراعت کے لیے 80 کروڑ 86 لاکھ روپے،پینے کے صاف پانی و صفائی کیلئے 72 کروڑ 63 لاکھ روپے جاری کیے گئے ہیں۔اسی طرح محکمہ توانائی 46 کروڑ 83 لاکھ، ماحولیات کیلئے 14 کروڑ 61 لاکھ روپے جاری کئے گئے،ترقیاتی اخراجات صرف منظور شدہ منصوبوں پر خرچ کیے جائیں گے۔